Wafilipi 4:19 - Biblia Ching'hwele

¹⁹ Na kwa nzila ya Chilisito Yesu Mulungu wangu kezafikiza malondo yenu yose, kuinzana na wingi wa utunhizo wake.

Lagano da Sambi kwa Wanhu Wose

¹⁹ Na kwa nzila ya Chilisito Yesu Mulungu wangu kezafikiza malondo yenu yose, kuinzana na wingi wa utunhizo wake.

Wafilipi 4:19 Referans Kwoze

1 Petili 5:10

Mbali muhakomeleza kugaya kwa lusita luguhi, Mulungu wa unovu wose, yoyomtangani mwingile muna utunhizo wake wa siku zose kwa kuilumba na Chilisito, yeye mwenyewo kezawatenda wawe wagima kaidi na kuwaguma ludabwa na kwima chigangamu na kuweng'ha chandusilo chigangamale.

1 Timoseyo 6:17

Walagilize wanhu wose weli na vinhu vingi muna isi ino ya sambi, sekewaigode na sekewalolele vinhu vingi viya havidaha kuloleligwa, mbali wamulolele Mulungu yoyoching'ha vinhu vose kwa wingi muladi chivideng'helele.

Wakolosai 1:27

Mulungu kalonda kuwagubulila wanhu wake viya mvunyo wa utunhizo wake yoyaufisile kwa wanhu wa zisi zose, nawo ni Chilisito mgati yenu, mwizakuwa hamwe muna utunhizo wa Mulungu.

Waefeso 3:16

Nompula Mulungu muna utajili na ukulu wake, kwa utunhizo wake yamwing'heni ludabwa lwa kuwa wagangamavu kufosela Muhe Yelile mgati yenu,

Wakolosai 3:16

Mbuli ya Chilisito naikale ng'hani mgati mmwenu kwa mvunyo. Ifundizeni na kuizuma kwa ubala wose, imbeni zabuli, na nyila, na nyila za kuntunhiza Mulungu. Mwimbileni Mulungu mwiimizoyo yenu kwa kulava hewela.

Waloma 8:18

Kwaviya chovimanya magayo yochigaya sambi si chinhu na hayalinganyizwa na utunhizo wondaulawilile kumwetu.

Waefeso 1:7

Kwaviya kwa damu ya Chilisito chikomboligwa, na uhasanyi wetu usegezigwa. Vino niivo wili mkulu unovu wa Mulungu,

2 Wakolimso 4:17

Kwaviya uzidilwa wochipata ni ndodo na lusita muhala, wochisasalila utunhizo wa siku zose wokuwa unoga kufosa uzidilwa uno.

Waloma 9:23

Nayo mwenyewo kalonda kulagusa utunhizo wake mkulu, uyaching'hile cheye woyachilondile chihokela ubazi wake, cheye woyachisasale kulawa mwanduso chihokele ukulu wake.

Waefeso 3:8

Niye ni mdodo kufosa wanhu wose wa Mulungu, mbali Mulungu kaning'ha unovu wake, muladi niwapetele wanhu weli siyo Wayahudi utajili wa Chilisito ulibule ningo,

Waefeso 1:18

Nompula Mulungu yafungule mizoyo yenu, muladi mudimanye lolelo diya doyawatangileni na vitumetume va utunhizo viya viyawalaganile wanhu welile,

Waefeso 2:7

Ivo viyalondile kulagusa kwa lusita lwa hamwande ukulu wa unovu wake ulibule ningo kwa ulondo uyaching'hile kwa kuilumba na Chilisito Yesu.

Waloma 2:4

Hebu kouzeha unovu wake mkulu na kufunyaumoyo kwake na uhole, vino huvimanyile kuwa unovu wa Mulungu wokulanguliza usamhe?

Mwanduso 48:15

Maabaho Isilaili kamtemela mate Yosefu kalonga, “Mulungu ija tati zetu Bulahimu na Isaka wakala fana viyolonda muna ugima wawo, Mulungu yoyanidimile muna uugima wangu mbaka diyelo,

Waloma 11:33

Utajili wa Mulungu, ubala na umanyi wake ni vikulu kufosa ningo! Yelihi yomanya viyolamula, yelihi yomanya nzila zake?

1 Petili 5:1

Nowalamba walala walangulizi mgati yenu, niye nili mulala mulangulizi miyenu, mkalangama wa magayo ya Chilisito, na noihanganya na utunhizo wondaugubuligwe hamwande,

1 Wasesalonike 2:12

Cheye chiwazuma na chiwaguma moyo na kumulambani mukale fana voimnogeza Mulungu, yowatanga mukale nayo muna ufalume na ukulu wake.

Waloma 1:8

Teng'hu, nomwing'ha hewela Mulungu wangu kufosela Yesu Chilisito kwa ichimu chenu, kwaviya uhuwilo wenu ilongigwa muna izisi.

Yohana 20:27

Maabaho Yesu kamulongela Tomasi, “Ika chidole chako hano, na ulole makono yangu. Maabaho golosa mkono wako uwike mulubavu lwangu. Sekeuleme kutogola, togola!”

Yohana 20:17

Yesu kamulongela, “Sekeunyamhe, kwaviya ning'hali sinahita bule kwa Tata kuulanga. Mbali hita ukawalongela ndugu zangu niye nohita kwa Tati yangu na Tati yenu, Mulungu wangu na Mulungu wenu.”

Filimoni 1:4

Siku zose nihatosa nokukumbuka weye Filimoni na nomwing'ha hewela Mulungu wangu,

2 Wakolimso 12:21

Nodumba kuwa mwanza umwenga, Mulungu kezanitendeza niwe mnyendanyenda haulongozi wenu. Na niye nizalila kwa ichimu cha wanhu wengi wowatendile uhasanyi baho haumwaka nawo hawasamhile bule na kuleka uchafu, uzinzi na magesa yehile yowatendile.

Masayo 6:32

Kwaviya wanhu weli siyo Wayahudi wokuwa na yungwayungwa da yano yose, na Tati yenu yeli kuulanga kovimanya kuwa molonda yano yose.

Wafilipi 4:7

Na tindiwalo da Mulungu difosa umanyi wose dizawakalizani myoyo yenu na nzewele zenu muna ukuilumba na Chilisito Yesu.