Wafilipi 3:1 - Biblia Ching'hwele

¹ Kuuhelelo, ndugu zangu deng'heleleni muna ukuilumba na Mndewa. Silegela kubwelela yaja yoniyandike haja haichanduso, kwaviya yezakongozeka ukalizi.

Lagano da Sambi kwa Wanhu Wose

¹ Kuuhelelo, ndugu zangu deng'heleleni muna ukuilumba na Mndewa. Silegela kubwelela yaja yoniyandike haja haichanduso, kwaviya yezakongozeka ukalizi.

Wafilipi 3:1 Referans Kwoze

Wafilipi 4:4

Siku zose deng'heleleni kwa kuilumba na Mndewa. Nolonga kaidi, deng'heleleni!

Waloma 5:11

Si yayo muhala bule, mbali iviya chodeng'helela kwa yaja yoyatendile Mulungu kufosela Mndewa wetu Yesu Chilisito, yoyachitendile chiwe wambwiya kaidi na Mulungu.

Yakobo 1:2

Ndugu zangu, muhapatigwa na magezo mbasakanyo mudeng'helele ng'hani.

1 Petili 4:13

Mbali deng'heleleni kwingila muna yamagayo fana Chilisito viyagaiye, muladi mudeng'helele ng'hani utunhizo wake vondaugubuligwe.

1 Wasesalonike 5:16

Mudeng'helele siku zose.

Wafilipi 4:8

Kuuhelelo ndugu zangu, geseni mbuli zino za kweli na zinogile na za kutogoligwa kunoga haulongozi wa Mulungu, zelile na zozilondeka kutunhizigwa na zozinogeza na za hishima.

1 Petili 3:8

Kukomelezelo nolonga vino, mweye wose molondeka muwe na moyo umwe na muwe na gesa dimwe, mwiilonde fana ndugu, muwe na unyendanyenda na uhole.

2 Wakolimso 13:11

Na sambi ndugu zangu nohita! Muwe wanogile kwa chila mbuli, iviya yamhiseni ulonzi wangu na mudahe kuwa na magesa yamwe, na mukale kwa tindiwalo. Na Mulungu wa ulondo na tindiwalo, kezakuwa hamwe na mweye.

2 Petili 3:1

Mbwiya zangu walondwa, usenga uno wekaidi wonimwandikileni. Muna zisenga mbili nigeza kuyenula magesa yanogile muna zinzewele zenu kwa kuwakumbusani mbuli zino.

Waefeso 6:10

Amalabaho, nomulondelani muwe wagangamavu muna ukuilumba na Mndewa kwa kutazigwa na nguvu zake.

Luka 1:47

na muhe wangu wodeng'helela kwa ichimu cha Mulungu Mulopozi wangu,

Wafilipi 3:3

Mbali cheye ni wanhu wengizigwe ulungwana kweli, kwaviya chotambika kwa Muhe wa Mulungu na kuigodela muna ukuilumba na Chilisito Yesu, wala hachihuwila chochisang'hana muna ulukuli.

Masayo 5:12

Sekeleleni na mudeng'helele kwaviya gweko jenu ni kulu kuulanga, ivo niivo vowagazigwe walotezi wa umwaka fana mweye.

Kumbukumbu 16:11

Mwizadeng'helela haulongozi ha Mndewa Mulungu, Mulungu wenu, mweye hamwe na wanenu wa chilume na wa chike na wasang'hani wenu na Walawi na nyambenyambe na wachiwa na wagane wowokala hamwe na mweye. Tendeni yano hanhu haja ha kumtambikila hondayahasagule Mndewa Mulungu, Mulungu wenu.

Kumbukumbu 12:18

Mweye na wanenu hamwe na wasang'hani wenu na Walawi wowokala muna yamabululu yenu, mwizakuja haulongozi ha Mndewa Mulungu, Mulungu wenu, hanhu ha kutambikila hohayasagule Mndewa Mulungu, Mulungu wenu. Uko mwizadeng'helela chila chinhu chomupata kwa sang'hano zenu.

1 Wasesalonike 4:1

Kwa kongezela ndugu zangu chiwafundiza viya vimulondeke kukala muladi kumnogeza Mulungu na kweli viya vimukala. Na sambi chomulambani kwa zina da Mndewa Yesu mutende vinogile ng'hani na ng'hani.