Wafilipi 2:10 - Biblia Ching'hwele

¹⁰ Mbali kwa zina da Yesu, vilumbigwa vose kuulanga, muna isi na kowadanganike, vitumbale mavindi haulongozi wake,

Lagano da Sambi kwa Wanhu Wose

¹⁰ Mbali kwa zina da Yesu, vilumbigwa vose kuulanga, muna isi na kowadanganike, vitumbale mavindi haulongozi wake,

Wafilipi 2:10 Referans Kwoze

Masayo 28:18

Yesu kawakwenhukila habehi na kawalongela, “Ning'higwa udahi wose kuulanga na mwi isi.

Waebulaniya 1:6

Mbali Mulungu viyomtuma Mwanage chaudele muna isi yose, kalonga, Wasenga wa kuulanga wose wolondeka kumtambikila mwanage.

Waefeso 3:14

Kwa ichimu icho notumbala mavindi haulongozi wa Tata,

Lugubulo 4:10

walala malongo maidi na wane watumbala mavindi haulongozi wa iyo yakalile muna ichigoda cha chifalume, na wamtambikila yeye yokala siku zose na siku zose. Weka makombelo yawo haulongozi ha ichigoda cha chifalume na walonga,

Waefeso 1:10

Lungilo dino, Mulungu vondayadifikize lusita vondaufike na kuvikunzanya hamwe vinhu vose na chila chinhu muna isi na kuulanga, muna utawala wa Chilisito.

Masayo 27:29

Wabota kombelo da miwa na wadika mchanyha ya ditwi jake na balati kuna umkono wake wa kulume, wanzeha na wamtowa mang'huwa haulongozi wake, walonga, “Ndamsa Mfalume wa Wayahudi!”

Lugubulo 20:13

Na bahali iwalava wanhu wadanganike weli mgati yake, ifa na kuzimu wawalava kunze wanhu wadanganike weli mgati yawo. Watagusigwa chila munhu kwaviyasang'hane.

Waefeso 4:9

Ivo mbuli ino “Kakwela kuchanyha ng'hani” fambulo jake choni? Fambulo jake ni kuwa, teng'hu kahumuluka mbaka hasi ng'hani.

Waloma 11:4

Vino Mulungu yamwidikeze? “Niye mwenyewo nika goya wanhu 7,000, wawo hawamtambikile bule mulungu wa uvwizi yotangigwa Baali.”

Masayo 12:40

Fana Yona viyakalile munda mwa somba mkulu siku nhatu imisi na ichilo, ivo Mwana wa Munhu niivo vondayakale siku nhatu imisi na ichilo muna umoyo wa isi.

Mwanduso 41:43

Mfalume kamkweza muna umtuka wake wekaidi wa falasi, na wakalizi walongolela haulongozi wa Yosefu, kuno wolandula madizi yawo na kulonga, “Tumbaleni mavindi!” Ivo niivo mfalume viyamwing'hile ukulu Yosefu muna iisi yose ya Misili.

Lugubulo 5:3

Mbali hapatike munhu yoyose kuulanga hebu muna isi, hebu muna dikombo ditali dilibule uhelelo yoyodaha kuchivugula chitabu icho hebu kuchilola mgati.