Waebulaniya 6:5 - Biblia Ching'hwele

⁵ na kulanza unovu wa mbuli za Mulungu na kulanza ludabwa lwa lusita lukwiza.

Lagano da Sambi kwa Wanhu Wose

⁵ na kulanza unovu wa mbuli za Mulungu na kulanza ludabwa lwa lusita lukwiza.

Waebulaniya 6:5 Referans Kwoze

Luka 8:13

Mbeyu zozilagalile muulongo uli muuluwe zolagusa wanhu wowohulika Mbuli ya Mulungu na kuihokela kwa deng'ho, mbali wabule mizizi haiwengila ng'hani bule muimizoyo yawo. Woitogola kwa lusita luguhi muhala, mbali wahagezigwa woileka.

1 Petili 2:3

ihawa kweli muvimanya kuwa Mndewa kanoga.

2 Petili 2:20

Kwaviya wanhu waja wowamalile kuyakimbila yaja yehile ya isi yose, kwa kummanya Mndewa na Mulopozi wetu Yesu Chilisito, one wanamata kaidi na kupotwa, unhu wawo wa uhelelo wizakuwa wiha kufosa uja wa ichanduso.

Waebulaniya 2:5

Mulungu hawekile wasenga wa kuulanga wawe walangulizi wa isi ikwiza, ija yochiilonga.

Maliki 6:20

Helode kakala komdumba Yohana kwaviya kavimanya Yohana kakala munhu yanogile na yelile, ivo kakala komkaliza. Kakala konogelwa kumtegeleza, ingawa kakala konyululuka ng'hani chila viyamalile kumtegeleza.

Masayo 12:32

Munhu wowose ija yondayamulige Mwana wa Munhu, kezalekeleligwa, na munhu yoyose yondayamulige Muhe Yelile, iyo hezalekeleligwa bule, sambi hebu hamwande.

Waefeso 6:17

Hokeleni ukombola fana pama yenu ya zuma, na usenga wa Mulungu fana upanga umwing'higwe na Muhe Yelile.

Waebulaniya 4:12

Kwaviya mbuli za Mulungu ni ngima na zina ludabwa, zokutwa kufosa zele dikanha kuno na kuno. Zoibebenyeka mbaka mgati kuna umuhe na unhu fana zele dikutwa vodikanha mbaka mgati ya vilungo va lukuli na upembe. Mbuli izo zomanya malungilo na magesa ya myoyo ya wanhu.

Waebulaniya 11:3

Kwa uhuwilo chovimanya kuwa isi yose ilumbigwa kwa mbuli iyalongile Mulungu, muladi kwa vinhu viwoneka vilumbigwa kulawa muna ivinhu haviwoneka.

1 Petili 1:25

mbali usenga wa Mndewa yokala siku zose.” Usenga uwo niiyo Mbuli Inogile yomupeteligwe.