Waebulaniya 11:19 - Biblia Ching'hwele

¹⁹ Bulahimu katogola kuwa Mulungu kodaha kuwazilibula wadanganike, na kweli Bulahimu kampata kaidi Isaka kwa kulonga kwa simwe.

Lagano da Sambi kwa Wanhu Wose

¹⁹ Bulahimu katogola kuwa Mulungu kodaha kuwazilibula wadanganike, na kweli Bulahimu kampata kaidi Isaka kwa kulonga kwa simwe.

Waebulaniya 11:19 Referans Kwoze

Masayo 9:28

Yesu viyengile mwikaye wanhu waidi vipofu wamsondelela, Yesu kawauza, “Vino mohuwila kuwa niye nodaha kuwahonya?” Wamwidika, “Ona, Mwenevale!”

Waefeso 3:20

Mulungu kodaha kutenda mbuli ng'hulu kufosa ziya zochidaha kupula hebu kugesa kwa nguvu yake yoisang'hana usang'hano mgati yetu.

Mwanduso 22:13

Bulahimu kenula meso na kawona bebelu da ng'hondolo dinamata mhembe zake kuna ichisolo, Bulahimu kahita na kamsola, kamulava nhambiko ya kutimbula badala ya mwanage.

Waebulaniya 9:24

Kwaviya Chilisito hengile hanhu helile ng'hani hohazengigwe na makono ya wanhu, hanhu heli simwe da chinhu chenyewo chili kuulanga. Kengila kuulanga kwenyewo, uko sambi kema haulongozi ha Mulungu kochigombela.

Waloma 5:14

Mbali ifa itawala kulawa chipindi cha Adamu mbaka chipindi cha Musa, ifa itawala hata kwa waja wanhu hawatendile uhasanyi fana uyatendile Adamu. Adamu kakala sisila da Chilisito yoyokwiza hamwande.

Masayo 12:36

“Ivo muvimanye nowalongela, mbuli yoyose ija hainogile, yondailongigwe na wanhu, muna isiku ya nhaguso wezalondeka kwidika kwa mbuli iyo ihile ilongigwe.

Waebulaniya 9:9

Mbuli ino ni simwe da chipindi cha sambi. Malavilo na nhosa volavigwa kwa Mulungu mbali havidaha kutenda yoyotambika kuwa na moyo ufaya,