Waebulaniya 10:34 - Biblia Ching'hwele

³⁴ Kwaviya muumanya unyondenyonde wa wanhu waja wakalile muna ichifungo, kaidi mutogola kwa deng'ho kuhokigwa vinhu venu, kwaviya muvimanya kuwa muna vinhu vinogile ng'hani vovikala siku zose.

Lagano da Sambi kwa Wanhu Wose

³⁴ Kwaviya muumanya unyondenyonde wa wanhu waja wakalile muna ichifungo, kaidi mutogola kwa deng'ho kuhokigwa vinhu venu, kwaviya muvimanya kuwa muna vinhu vinogile ng'hani vovikala siku zose.

Waebulaniya 10:34 Referans Kwoze

1 Petili 1:4

Ivo chololela kuhokela vinhu vinogile havidaha kuwola, hebu kuhunguka kulawa kwa Mulungu kamwikilani uko kuulanga.

2 Timoseyo 1:16

Nompula Mndewa yawawonele ubazi wanhu wa kaye ya Onesifolo, kwaviya kanisangalaza miyanza mingi na haniwonele chinyala kwaviya namuna ichifungo.

Yakobo 1:2

Ndugu zangu, muhapatigwa na magezo mbasakanyo mudeng'helele ng'hani.

Waebulaniya 13:3

Sekemuwazimize waja weli muna ichifungo fana viya mufungigwa hamwe nawo. Sekemuwazimize waja wogaya fana viya mogaya fana wawo.

Waefeso 6:20

Kwaviya niye ni msenga wa Mbuli Inogile ila vino sambi na mchifungo. Ivo tambikeni muladi nidahe kulonga bila ya kudumba.

Luka 12:33

Chuuzeni vinhu venu vose na zihela mukaweng'he ngaye-ngaye. Itendeleni mifuko yohaisakala na kuikila ngama yenu kuulanga, uko haizahunguka. Uko wabavi hawadaha kuubawa, wala sondo hawadaha kuubananga.

1 Yohana 3:2

Walondwa wangu, sambi cheye ni wana wa Mulungu, mbali hainakwikigwa hazelu viya vondachiwe, mbali chovimanya kuwa lusita Chilisito vondayalawilile chizakuwa fana yeye, kwaviya chizamuwona fana yeye viyeli.

Waebulaniya 11:16

Mbali wakala wolonda ng'hani isi inogile ng'hani, isi ya kuulanga. Lekamana Mulungu hawona chinyala wahamtanga yeye Mulungu wawo, kwaviya yeye mwenyewo kawasasalila bululu jawo.

1 Timoseyo 6:19

Kwa kutenda ivo kwizawataza kupata ugima wa siku zose, fana viya munhu viyokunzagiza vinhu vingi vondavimtaze hamwande.

Wakolosai 1:5

Uhuwilo wenu na ulondo wenu vokuwa na chandusilo muna dilolelo domwikiligwe kuulanga kwa Mulungu. Muhulika kusonhela uhuwilo uwo lusita lwa mwanduso vimupetiligwe usenga wa kweli wa Mbuli Inogile.

Wafilipi 1:7

Na ivo nilondeka kuwagesani, kwaviya nowagesani ng'hani muna umoyo wangu. Mweye mose muihanganya muna unovu wa Mulungu hamwe na niye, lusita voniwa muna ichifungo hebu voniwa kunze nolagusa na noigombela Mbuli Inogile.

Waefeso 4:1

Ivo niye nili mfungigwa kwa ichimu cha kumsang'hanila Mndewa, nomulambani ugenzi wenu uwe fana vimuhokele.

Waefeso 3:1

Kwa ichimu chino niye Paulo yonifungigwe kwa ichimu cha kumsang'hanila Yesu Chilisito kwa ichimu chenu wanhu muli siyo Wayahudi, notambika kwa Mulungu.

Sang'hano 21:33

Mkulu wa wakalizi kamuhitila Paulo na kumgwila na kulagiliza yatatalizigwe minyololo midi. Maabaho kauza, “Munhu ino iyo yelihi, na katenda choni?”

Sang'hano 5:41

Watumigwa viwasegele kuichitala wadeng'helela kwaviya wawona walondeka wapate chinyala kwa ichimu cha zina da Yesu.

Luka 10:42

mbali chochilondeka ni chimwe muhala. Maliya kasagula chinhu chinogile, na hachizasegezigwa kumwake.”

Masayo 19:21

Yesu kamulongela, “One wahalonda uwe goya muna ichila chinhu, hita ukachuuze vinhu vose viuli navo, maabaho weng'he hela ngayengaye, na kwizakuwa na ngama kuulanga. Maabaho wize unisondelele.”

2 Timoseyo 2:9

ivo nogazigwa na nifungigwa minyololo fana munhu yotenda yehile. Mbali mbuli ya Mulungu haifungigwa minyololo bule.

2 Wakolimso 5:1

Kwaviya chovimanya zewe dino dichikala ni ng'huli zetu hano mwiisi, one dihabomoligwa Mulungu kezaching'ha kaye imwenga ya siku zose kuulanga, kaye yake haizengigwe kwa makono ya wanhu.

Sang'hano 28:20

Lekamana nimulambani niwawone na kulonga na mweye, kwaviya nifungigwa minyololo kwa ichimu cha chiya chowochilolela wanhu wa Isilaeli.”

2 Timoseyo 4:8

Hamwande ha yayo nikiligwa kombelo da uhumi da kupetigwa ninoga haulongozi ha Mulungu. Kombelo diya Mndewa mwenyewo yeli msemi yanogile, kezaning'ha zuwa ijo, wala si niye muhala, mbali iviya na wanhu wose wowogozela kwa kulonda kulawilila kwake.

Luka 9:25

Vino munhu yahapata chila chinhu muna iisi yose, mbali kawagiza ugima wake, munhu iyo kapata choni chinogile?

Waebulaniya 9:15

Kwa ichimu chino Chilisito iyo mulumbilizaji wa lagano da sambi, ivo waja wose wowatangigwe na Mulungu wodaha kutemiligwa mate siku zose zowalongeligwe na Mulungu. Ifa yake yowakombola wanhu kulawa uhasanyi uja uwatendile chipindi chiya cha lagano da umwaka.

Waebulaniya 13:14

Kwaviya hano hana isi chabule bululu da kukala siku zose, mbali chozahila bululu diya dikwiza.