Peta 7:43 - Biblia Ching'hwele

⁴³ Nhambiko yake ikala vino, chano ya hela ili na nzamo ya chilo imwe na nusu na buyu da hela dili na nzamo ya gilamu magana manane kuilinga na ningo za hema da Mulungu. Ivo vose vimemezigwa usage unogile uhanganyigwe na mavuta kwa ichimu cha nhosa ya usage.

Peta 7:43 Referans Kwoze

Walawi 14:10

“Siku yenane kezagala wanang'hondolo walume waidi welibule chilema na zike da ng'hondolo dimwe da mwaka umwe dilibule chilema na chilo nhatu za usage unogile wouhanganyigwe na mavuta kwa ichimu cha nhosa ya mhule, hamwe na mavuta selusi imwe ya lita.

Walawi 2:5

One nhosa yako ihawa ya gate dikanzingigwe, iyo izakuwa ya usage unogile haugumigwe lusu uhanganyigwe na mavuta ya zaituni.

1 Yohana 2:27

Mbali muhokela Muhe Yelile kulawa kwa Chilisito, na Muhe ija yahakala mgati yenu, hamulonda munhu wa kuwafundiza, kwaviya Muhe wake komfundizani mbuli zose. Muhe ija kolonga ukweli wala halonga uvwizi. Basi fana viya Muhe viyomfundizani, kaleni kwa kuilumba na Chilisito.

Waebulaniya 1:9

Weye kulonda vinhu vovimnogeze Mulungu na kulema mbuli zihile. Lekamana Mulungu, Mulungu wako kakusagula na kakuhaka mavuta na kakutenda udeng'helele kufosa wayago.”

Masayo 14:8

Kuno Helodiya kokong'hiligwa na mami yake, kalonga, “Nig'he sambi ditwi da Yohana Mbatizi muna ichano.”

Peta 7:44

Iviya kagala ziga da zahabu dili na nzamo ya gilamu gana na longo, dimemile ubani,