Peta 6:12 - Biblia Ching'hwele

¹² Kezaika hakwe kaidi kwa ichimu cha Mndewa Mulungu. Siku za mwanduso hazizapetigwa kwaviya kambula mwiko muna zisiku zake za kuika hakwe. Kezalava mwanang'hondolo mulume wa mwaka umwe kuwa nhambiko ya ubananzi.

Peta 6:12 Referans Kwoze

Walawi 5:6

na kumgalila Mndewa Mulungu nhambiko ya uhasanyi kwa ichimu cha uhasanyi uyatendile. Kezagala zike da ng'hondolo hebu zike da luti kulawa muna dibumbila jake kuwa nhambiko ya maliho ya uhasanyi wake. Ivo mkulu wa nhambiko kezamtendela munhu iyo kuilumba kwa ichimu cha uhasanyi wake.

2 Yohana 1:8

Mwiiteganye muladi sekemwagize yaja yochitendile, mbali mwizagwekigwa ng'hani.

Yakobo 2:10

Kwaviya munhu yoyose yobena lagilizo dimwe muhala muna yamalagilizo ya Mulungu mbali kabananga mbuli imwe muhala, iyo kabananga yose.

Masayo 24:13

Mbali ija yondayafunye umoyo mbaka kuuhelelo, kezakomboligwa.

Masayo 3:15

Yesu kamulongela, “Ivino sambi nolonda utogole. Kwaviya niivo viilondeka kuyafikiza yaja yose yoyolonda Mulungu.” Maabaho Yohana katogola.

Walawi 14:24

Mkulu wa nhambiko kezamsola mwanang'hondolo mulume iyo wa nhambiko ya ubananzi hamwe na yaja yamavuta na kezavinula uchanyha kuwa chilaguso cha kuvilavila haulongozi ha Mndewa Mulungu.

Kulawa 12:5

Sagula bebelu kulawa mwa ng'hondolo hebu mwa luti. Diwe da mwaka umwe na dilibule chilema chochose.

Walawi 5:7

“ ‘Mbali one hadaha kulava mwanang'hondolo, yamgalile Mndewa Mulungu huwa waidi hebu nziwa waidi kwa kuliha kwa uhasanyi uyatendile, imwe wa nhambiko ya uhasanyi na imwenga wa nhambiko ya kutimbula.

Peta 6:11

Mkulu wa nhambiko kezalava imwe kwa ichimu cha nhambiko ya uhasanyi na imwenga kwa ichimu cha nhambiko ya kutimbula muladi kumtendela kuilumba kwaviya katenda uhasanyi kwa mtufi. Siku iyo kezaditenda ditwi jake jele.

Peta 6:13

“ ‘Dino ni lagilizo kwa Mnazili. Vondazikomelezeke siku za kuika hakwe kwake, kezagaligwa hanhu ha kwingilila muna dihema da Mulungu.