Peta 4:15 - Biblia Ching'hwele

¹⁵ Haluni na wanage wahakomeleza kuhagubika hanhu helile hamwe na via vake vose, wahawa waisasala kwandusa mwanza, wanhu wa lukolo lwa Kohasi wezakwiza na kuvipapa. Wawo hawalondeka kwamha via ivo velile, buleivo wezadanganika. Iyo niiyo sang'hano ya wanhu wa lukolo lwa Kohasi chila lusita hema da Mulungu vidihamizigwa.

Peta 4:15 Referans Kwoze

Peta 7:9

Mbali Wakohasi haweng'hile chochose, kwaviya sang'hano yawo ikala kupapa vinhu va hema da Mulungu muna yamayega yawo.

Kumbukumbu 31:9

Musa kandika malagilizo ya Mndewa Mulungu na kaweng'ha wakulu wa nhambiko weli wana wa Lawi, wowapapile sanduku da lagano da Mndewa Mulungu. Iviya kaweng'ha walala wose wa Isilaili.

Peta 10:21

Wowawasondelele wakala Wakohasi, wasola vinhu velile, na hema dizengigwa wang'hali wawo hawanafika.

Peta 3:38

Musa na Haluni na wana wawo wa chilume walondeka kwika lago jawo kuulongozi wa hema da Mulungu ubanzi wa ulawilo wa zuwa. Sang'hano yawo ikala kusang'hana sang'hano ya ukulu wa nhambiko muna dihema da Mulungu kwa ichimu cha Waisilaili. Munhu imwenga yoyose yahadikwenhukila dihema da Mulungu kolondeka yakomigwe.

Peta 1:51

Hema vondadisegezigwe, Walawi wezadisegeza, vondadisimikigwe, Walawi wezadisimika. Munhu yoyose yeli siyo Mulawi yahadikwenhukila kezakomigwa.

Kulawa 19:12

Wekile mhaka wanhu kuzunguluka mulima. Walongele, ‘Muiteganye sekemukwele kumulima hebu kubojoga mhaka yake. Munhu yoyose yondayaudalise mulima kezadanganika.’

Kulawa 27:7

Mibiki iyo izakwingizigwa muna zimhete banzi mbili za ulupango lusita lwa kuchipapa.

Walawi 16:13

Kezaguma ubani muna umoto uwo haulongozi ha Mndewa Mulungu, yosi da ubani uwo dizaigubika ngubiko ya kuilumba, ivo hezadanganika.

Peta 1:50

Mbali uwasagule Walawi wawe ndolezi wa hema da Mulungu da ukalangama na via vake vose na chila chinhu chili umo, wezadipapa hamwe na via vake vose. Wezasang'hana umo na kwika malago yawo kwa kudizunguluka hema ijo.

Peta 4:14

Wezavika mchanyha yake via vose vovisang'haniligwa hana ulupango, hamwe na vyano va kuhalila moto na mibatilo na magembe na vizae. Maabaho uchanyha yake wezakwika ngubiko ya mbende ya mnyama wa mwiibahali na kuiguma mibiki yake ya kupapila.

Peta 4:19

mbali watendeleni vino muladi vondawavikwenhukile vinhu velile ng'hani wawe wagima na sekewadanganike. Haluni na wanage wezakwingila mgati na kumsagula chila munhu na sang'hano yake na mbahasha yake.

Peta 4:20

Mbali sekewengile hanhu haja kulola vinhu velile lusita wakulu wa nhambiko wovisasala, buleivo wezadanganika.”

Peta 18:3

Wawo wezasang'hana sang'hano zondauweng'he kusonhela hema, mbali hawalondeka kuvikwenhukila via va hema hebu kulukwenhukila ulupango, buleivo wezadanganika wawo na weye iviya.

Kulawa 19:21

Mndewa Mulungu kamulongela Musa, “Humuluka hasi ukawazume wanhu wose sekeweze kunilola, buleivo wezadanganika.