Peta 34:12 - Biblia Ching'hwele

¹² Maabaho mhaka izafosela lwanda lwa Yoludani na kulawilila kuna Ibahali ya Munyu. Iyo izakuwa isi yenu fana mhaka viili.’ ”

Peta 34:12 Referans Kwoze

Peta 34:3

Ubanzi wa kusi mhaka yenu izakuwa kulawa chuwala cha Sini kufosela ubanzi wa Edomu. Izakwandusila ulawilo wa zuwa ubanzi wa kusi kuuhelelo wa Bahali ya Munyu.

Mwanduso 14:3

Wafalume wawo wayahanganya majeshi yawo yose hana dibawe da Sidimu, vino sambi ni Bahali ya Munyu.

Mwanduso 13:10

Lutu kenula meso yake na kadiwona bawe da lwanda lwa Yoludani, kawona dina mazi ya kufaya chila hanhu, fana viya mgunda wa Mndewa Mulungu na iviya fana isi ya Misili ubanzi wa Soali. Mndewa Mulungu kakala hanayananga mabululu ya Sodoma na Gomola.

Peta 34:11

Mhaka izalawa Shefamu kuhita Libila, ubanzi wa ulawilo wa zua wa Aini, maabaho izagendelela na kufika ubanzi wa lamba da Galilaya.

Peta 34:13

Maabaho Musa kawalagiliza Waisilaili, kalonga, “Ino niiyo isi yondamuihazi kwa kutowa mhiya, isi ija Mndewa Mulungu iyalagilize weng'higwe makabila kenda na nusu.

Kulawa 23:31

“Mhaka za isi yenu zizakuwa kulawa bahali ya Shamu mbaka bahali ya Meditelaniya, na kulawa kuchuwala mbaka lwanda lwa Efulati, mana wakaya wa isi iyo nizawatenda muwahume, na mweye mwizawawinga wasegele kumwenu.