Peta 23:3 - Biblia Ching'hwele

³ Maabaho Balaamu kamulongela Balaki, “Ima hano habehi na nhambiko yako, niye nisegele. Huwenda Mndewa Mulungu kezaiting'hana na niye. Chochose chondayanilagusile nizakwiza kukulongela.” Ivo kahita yaidumwe kuna inhembeti ya mulima.

Peta 23:3 Referans Kwoze

Peta 23:15

Balaamu kamulongela Balaki, “Ima hano habehi na nhambiko yako ya kutimbula, niye nihite kuumwambu nikaiting'hane na Mndewa Mulungu.”

Peta 24:1

Basi Balaamu viyawonile kuwa imnogeza Mndewa Mulungu kuwatemela mate Waisilaili, hahitile kulotela kaidi, kalola kuchuwala.

Walawi 1:1

Mndewa Mulungu kamtanga Musa muna dihema da Mulungu, kamulongela,

Mwanduso 22:13

Bulahimu kenula meso na kawona bebelu da ng'hondolo dinamata mhembe zake kuna ichisolo, Bulahimu kahita na kamsola, kamulava nhambiko ya kutimbula badala ya mwanage.

Mwanduso 22:2

Mulungu kamulongela, “Umsole Isaka mwanago nyachende youmulonda na uhite mbaka isi ya Moliya na umulave nhosa ya kutimbuligwa muna mulima uja wondanikulongele.”

Mwanduso 8:20

Nuhu kamzengela Mndewa Mulungu lupango, kalava nhambiko wanyama wamwenga wodigwa na ndege wodigwa, kamtimbulila Mulungu mchanyha ya ulupango.

Kulawa 18:12

Maabaho Yesilo mkoi wa Musa kamulavila Mndewa Mulungu nhambiko za kutimbuligwa na nhambiko. Haluni keza na walala wa Isilaili muladi waje ndiya hamwe na Yesilo haulongozi ha Mulungu.

Masayo 4:8

Maabaho Mwihi kamsola Yesu wahita kuchanyha kuna ulugongo lutali kuna uludonho, kamulagusa falume zose muna isi na utunhizo wake wose.

Peta 23:2

Balaki katenda fana viya viyalongile Balaamu. Balaki na Balaamu walava nhambiko ya dang'ang'a da ng'ombe lume na bebelu da ng'hondolo uchanyha ya chila lupango.

Peta 23:4

Mulungu kaiting'hana nayo, Balaamu kamulongela, “Nisasala mapango saba, na chila lupango nilava nhambiko ya dang'ang'a da ng'ombe lume na bebelu da ng'hondolo.”

Peta 23:12

Balaamu kamwidika, “Vino silondeka kulonga mbuli ziya Mndewa Mulungu ziyazikile muna umulomo wangu?”

Peta 23:26

Balaamu kamwidika Balaki, “Vino sikulongele kuwa nolondeka kutenda chiyolonga Mndewa Mulungu?”