Peta 22:9 - Biblia Ching'hwele

⁹ Mulungu kamwizila Balaamu na kamuuza, “Wano welihi woukalile hamwe nawo?”

Peta 22:9 Referans Kwoze

Mwanduso 20:3

Mbali ichilo Mulungu kamulawilila Abimeleki muna zinzozi na kamulongela, “Kwizadanganika kwaviya kumsola muke ino, yoyamalile kusoligwe.”

Peta 22:20

Ichilo chiya Mndewa Mulungu kamwizila Balaamu na kamulongela, “Fana wanhu wano weza kukutanga, inuka uhite hamwe nawo, mbali chondanikulongele, niicho chondautende muhala.”

Yohana 11:51

Hamanyile chiyakalile kolonga, mbali kwaviya kakala mkulu wa nhambiko wa umwaka uja, kalagula kuwa Yesu kezadanganika kwa ichimu cha Wayahudi.

Masayo 24:24

Kwaviya wezalawilila Machilisito wa uvwizi na walotezi wa uvwizi, nawo wezatenda mauzauza makulu na mawewedeko, muladi one ihadahika wadahe kuwavwizila mbaka wanhu wowasaguligwe.

Masayo 7:22

Muna isiku iyo ya nhaguso, wanhu wengi wezanilongela ‘Mndewa, Mndewa! Kwa zina jako chiwapetela wanhu usenga wa Mulungu, kwa zina jako chiwalava wanhu vinyamkela na chitenda mauzauza mengi!’

Kulawa 4:2

Mndewa Mulungu kamuuza Musa‚ “Icho choni chiwamhile mumkono wako?” Musa kamwidika “Balati.”

Mwanduso 41:25

Yosefu kamulongela mfalume, “Nzozi zako mbili zina fambulo dimwe, Mulungu kakulongela chiya chondayatende.

Mwanduso 31:24

Muna zinzozi ichilo Mulungu kamwizila Labani Mwalamu na kamulongela, “Uiteganye, seke umtemele mate Yakobo hebu sekeumduwile.”

Mwanduso 16:8

Na kalonga, “Hajili msang'hani wa Salayi, kulawa kulihi na kohita kulihi?” Kamwidika, “Nomkimbila Salayi yonimsang'hanila.”

Mwanduso 4:9

Maabaho Mndewa Mulungu kamuuza Kaini, “Kakulihi mdodo wako Abeli?” Kamwidika, “Niye sivimanyile bule. Vino niye ndolezi wa mdodo wangu?”

Peta 22:8

Balaamu kawalongela, “Kaleni hano ichilo chino, niye nizamulongelani mbuli zondayanilongele Mndewa Mulungu.” Ivo walangulizi wawo wa Moabu wakala na Balaamu.

Peta 22:10

Balaamu kamulongela Mulungu, “Balaki mwana wa Sipoli, mfalume wa Moabu, kanigalila usenga uno,