Peta 20:16 - Biblia Ching'hwele

¹⁶ Chimulilila Mndewa Mulungu, nayo kachihulika. Kachigalila msenga wa kuulanga yoyachisegeze Misili. Sambi chahano Kadeshi, isi yoihakana na isi yako.

Peta 20:16 Referans Kwoze

Kulawa 14:19

Maabaho msenga wa Mulungu kawalongolela wakalizi wa Isilaili, kasegela na kukala hachisogo chawo. Iiviya mhanda ija ng'hulu ya wingu isegela na kukala hachisogo chawo,

Kulawa 33:2

Nizamtuma msenga wa kuulanga yawalongolele, nizawawinga Wakanaani na Waamoli na Wahiti na Wapelizi na Wahivi na Wayebusi.

Kulawa 23:20

“Lola, nomtuma msenga wa kuulanga kuulongozi wenu muladi yamkalizeni mzila na kumgalani kuna iisi yoniisasale.

Kulawa 14:10

Lusita Waisilaili viwamuwonile mfalume wa Misili na wakalizi wake wowasondelela wawo, wadumba ng'hani na kumulilila Mndewa Mulungu yawataze.

Kulawa 6:5

Iviya nihulika kulongelela kwa Waisilaili‚ waja Wamisili wawashulutiza kusang'hana sang'hano za chitumwa, ivo nikumbuka lagano jangu.

Peta 20:15

Tati zetu viwahitile Misili, hanhu hawakalile kwa miyaka mingi. Wamisili wawagaza tati zetu na cheye iviya.

Peta 21:22

“Chitogolele chifose muna iisi yako. Hachizafosa mumgwazo na kwingila muna imigunda hebu muna imigunda ya mizabibu, hebu hachizakung'wa mazi ya visima venu, chizafosa dimwe kwa dimwe muna inzila ng'hulu ya mfalume mbaka vondachisegele muna iisi yako.”

Peta 33:37

Wasegela Kadeshi na weka lago jawo kuna mulima wa Holi, muna imhaka ya isi ya Edomu.

Kumbukumbu 4:34

Vino kuna mulungu imwenga yoyose yagezile kuwasola wanhu kulawa muna iisi imwenga na kuwatenda wawe wake, fana Mndewa Mulungu, Mulungu wenu viyamtendeleni uko Misili? Kasang'hanila udahi wake ng'hulu kugala mahulo na ng'hondo, katenda vilaguso na mauzauza na katenda mbuli za kudumbiza zilawilile.

Kumbukumbu 4:37

“Kwaviya kawalonda wasaho zenu, kamsagulani na kwa nguvu yake ng'hulu, yeye mwenyewo kamulavani muna iisi ya Misili.