Peta 2:34 - Biblia Ching'hwele

³⁴ Ivo Waisilaili watenda chila chinhu fana Mndewa Mulungu viyamulagilize Musa. Niivo viwekile malago yawo kwa kusondelela bendela zawo, na niivo viwasegele chila munhu kwa kusondelela lukolo lwake, fana viili kaye ya tati yake.

Peta 2:34 Referans Kwoze

Luka 1:6

Wose waidi wakala wanoga haulongozi ha Mulungu, kuno wokwamha malagilizo yose ya Mndewa.

Peta 24:2

Balaamu kenula meso yake kawona Waisilaili weka malago yawo, chila kabila hanhu hake, Muhe wa Mulungu kamwizila,

Peta 23:21

Halolile wihi kwa wanhu wa Yakobo, iviya hawonile magayo mwa Isilaili. Mndewa Mulungu, Mulungu wawo kahamwe nawo, dizi da mfalume da hagati yawo.

Peta 10:28

Vino niivo ikalile miyanza ya Waisilaili kwa makabila yawo, dimwe dimwe, viwanduse mwanza.

Peta 2:2

“Waisilaili wezakwika malago yawo, chila munhu hana ibendela yake, hana ichilaguso cha kaye ya tati yake. Wezakwika malago yawo kudizunguluka dihema da Mulungu.

Peta 1:54

Vino niivo viwatendile Waisilaili. Watenda chila chinhu fana Mndewa Mulungu viyamulagilize Musa.

Kulawa 39:42

Waisilaili wasang'hana sang'hano zose fana Mndewa Mulungu viyamulagilize Musa.

Peta 1:52

Waisilaili wamwenga wose wezakwika malago yawo kwa mabumbila mabumbila, chila munhu muna dibumbila jake na hasi ya bendela yake.

Peta 2:33

Mbali Walawi hawapetigwe mwa Waisilaili fana Mndewa Mulungu viyamulagilize Musa.

Peta 3:1

Wano ni welesi wa Haluni na Musa chipindi Mndewa Mulungu viyalongile na Musa kuna umulima wa Sinai.

Peta 1:19

fana Mndewa Mulungu viyamulagilize Musa. Ivo kawapeta kuna ichuwala cha Sinai.

Peta 10:12

Waisilaili wasegela chuwala cha Sinai, wingu dihumuluka kuna ichuwala cha Palani.