Peta 2:2 - Biblia Ching'hwele

² “Waisilaili wezakwika malago yawo, chila munhu hana ibendela yake, hana ichilaguso cha kaye ya tati yake. Wezakwika malago yawo kudizunguluka dihema da Mulungu.

Peta 2:2 Referans Kwoze

1 Wakolimso 14:40

Chila chinhu cholondeka chitendeke kwa ugoya na utalatibu.

1 Wakolimso 14:33

Kwaviya Mulungu siyo Mulungu wa tibwilitibwili mbali wa tindiwalo. Iviya fana viili muna yamabumbila ya wanhu welile womuhuwila Chilisito,

Peta 10:25

Kuuhelelo wose wakalile hana ibendela ya kabila da Dani wakalile walolezi kwa Waisilaili muladi sekewatowigwe kwa kuchisogo, wandusa mwanza, bumbila dimwe dimwe. Wano walangulizigwa na Ahiezeli mwana wa Amishadai.

Peta 10:22

Wowawasondelele wakala waja weli hana ibendela ya kabila da Efulaimu, bumbila dimwe dimwe. Mulangulizi wawo kakala Elishama mwana wa Amihudi.

Peta 1:50

Mbali uwasagule Walawi wawe ndolezi wa hema da Mulungu da ukalangama na via vake vose na chila chinhu chili umo, wezadipapa hamwe na via vake vose. Wezasang'hana umo na kwika malago yawo kwa kudizunguluka hema ijo.

Wakolosai 2:19

na kaigola na Chilisito yeli ditwi da lukuli ulo wotazigwa na kulumbilizigwa hamwe viungo na mige yake, nawo wokula fana viyolonda Mulungu.

Wafilipi 1:27

Mbali ugenzi wenu uwe fana viya viilondeka Mbuli Inogile ya Chilisito fana viya niheza na kuwawona mweye hebu fana siwile baho, nihulike kuwa mokwima vinogile muna umoyo umwe na kuno mogala ng'hondo kwa hamwe na kuno lungilo dimwe kwa ichimu cha voilonda Mbuli Inogile.

Peta 10:18

Maabaho wanhu wakalile hana ibendela ya kabila da Lubeni, wasondelela bumbila dimwe dimwe. Mulangulizi wawo kakala Elisuli mwana wa Shedueli.

Peta 10:14

Yuda na makabila yazengile habehi nayo yandusa mwanza hana ibendela yawo. Nashoni mwana wa Aminadabu niiyo yakalile mulangulizi wa kabila da Yuda.

Peta 2:10

“Ubanzi wa kusi kwizakuwa na lago da wanhu wa kabila da Lubeni kwa kusondelela mabumbila yawo. Mulangulizi wawo kakala Elisuli mwana wa Shedueli.

Peta 2:3

“Wanhu wondaweke malago yawo ubanzi wa ulawilo wa zuwa wezakuwa hana ibendela ya Yuda. Mulangulizi wawo kakala Nashoni mwana wa Aminadabu,

Peta 2:1

Mndewa Mulungu kawalongela Musa na Haluni,

Peta 24:2

Balaamu kenula meso yake kawona Waisilaili weka malago yawo, chila kabila hanhu hake, Muhe wa Mulungu kamwizila,