Peta 19:7 - Biblia Ching'hwele

⁷ Maabaho mkulu wa nhambiko kezafuwa mawalo yake na koga lukuli lwake kwa mazi, maabaho kodaha kwingila muna dilago mbali kezakuwa kambula mwiko mbaka ichigulogulo.

Peta 19:7 Referans Kwoze

Walawi 11:25

Munhu one yahapapa hanhu ha mitufi yake kezakwambula mwiko mbaka ichigulogulo, na viwalo vake volondeka vifuwigwe.

Peta 19:19

Munhu iyo kezammizila ija yambule mwiko muna isiku yetatu na yesaba. Siku yesaba kezamsafya, nayo kezafuwa mawalo yake na koga kwa mazi, ichigulogulo kezakuwa kela haulongozi wa Mulungu.

Peta 19:8

Munhu yondayamsome ng'ombe iyo, iviya kolondeka yafuwe mawalo yake na koga lukuli lwake kwa mazi, nayo iviya kezakuwa kambula mwiko mbaka ichigulogulo.

Walawi 22:6

munhu iyo kezakwambula mwiko mbaka ichigulogulo na halondeka kuja ndiya yelile mbaka vondayoge.

Walawi 15:5

Munhu yoyose yodalisa komwa da munhu iyo, kolondeka yafuwe viwalo vake na yoge, nayo kezakwambula mwiko mbaka ichigulogulo.

Walawi 11:40

Na munhu yoyose yahaja hanhu hohose ha mnyama ya mtufi uwo, kolondeka yafuwe walo jake, mbali kezakuwa kambula mwiko mbaka ichigulogulo. Na yoyose yondayapape mtufi uwo kolondeka kufuwa walo jake na kezakuwa kambula mwiko mbaka chigulogulo.

Waebulaniya 13:11

Mkulu wa nhambiko digogogo wa Wayahudi kogala damu za wanyama hana Ihanhu Helile Ng'hani kuwa nhosa fana malavilo ya kusegeza uhasanyi, mbali mitufi ya wanyama yolunguzigwa kunze ya lago.

Walawi 14:46

Munhu yoyose yokwingila muna ikaye lusita ihindigwa, kezakwambula mwiko mbaka ichigulogulo.

Peta 19:10

Munhu yondayazole maivu ya ng'ombe iyo, kolondeka yafuwe viwalo vake, mbali kezakuwa kambula mwiko mbaka ichigulogulo. Mbuli ino izakuwa lagilizo da siku zose kwa wanhu wa Isilaili na nyambenyambe wondawakale hamwe nawo.

Peta 19:21

Wanhu wolondeka wazindilile lagilizo dino sambi na siku zikwiza. Munhu yomiza mazi ya kuisafya kezafuwa mawalo yake, na munhu yoyose yodalisa mazi yayo kezakuwa kambula mwiko mbaka ichigulogulo.

Walawi 11:24

“ ‘Kudalisa wanyama wamwenga komtenda munhu yambule mwiko, yoyose yodalisa mitufi yawo kokwambula mwiko mbaka ichigulogulo.

Walawi 11:27

Wanyama wose wowogendela mafumba ingawa wana magulu mane, kumwenu wambula mwiko. Yoyose yondayadalise mitufi ya mnyama fana iyo kezakuwa kambula mwiko mbaka ichigulogulo.

Walawi 11:28

Munhu yoyose yopapa mtufi, kezakwambula mwiko mbaka ichigulogulo, nayo kezafuwa viwalo vake. Wanyama wawo kumwenu wambula mwiko.

Walawi 11:31

Wawo wose wotambala kumwenu wambula mwiko na yoyose yondayadalise mitufi yawo, kezakwambula mwiko mbaka ichigulogulo.

Walawi 11:32

One mtufi wa viumbe wawo wolagalila chinhu chochose, chiwe chinhu cha mbao hebu walo hebu mbende hebu guniya hebu chia chochose chochisang'haniligwa kwa lungilo jojose, chia icho chizakwambula mwiko mbaka ichigulogulo. Yolondeka kuchisunha kwa mazi muladi chele.

Walawi 11:39

“ ‘One mnyama yoyose yofaya kudigwa yahafa, munhu yoyose yondayadalise mtufi uwo kezakwambula mwiko mbaka ichigulogulo.

Peta 19:22

Chinhu chochose chondayadalise munhu yambule mwiko chizakuwa chambula mwiko, na munhu yoyose yondayachidalise chinhu icho kezakuwa kambula mwiko mbaka ichigulogulo.”