Peta 18:22 - Biblia Ching'hwele

²² Kwandusila sambi Waisilaili sekewadikwenhukile hema da Mulungu, buleivo wezatagusigwa kwa uhasanyi wawo na kuigalila ifa.

Peta 18:22 Referans Kwoze

Walawi 22:9

“ ‘Wakulu wa nhambiko wose wolondeka wazindilile malagilizo yangu, muladi sekewatende uhasanyi na kukomigwa kwa kuzeha malagilizo. Niye niiyo Mndewa Mulungu yoniwatenda wele.

Peta 18:7

Weye na wanago muhala mwizatenda sang'hano ya ukulu wa nhambiko, kwa ichimu cha lupango na chila chinhu chili kuchisogo ya panzia, iyo ni sang'hano yenu. Nomwing'hani chitumetume cha ukulu wa nhambiko. Munhu imwenga yoyose yondayavikwenhukile via va hema da Mulungu kezakomigwa.”

Peta 3:38

Musa na Haluni na wana wawo wa chilume walondeka kwika lago jawo kuulongozi wa hema da Mulungu ubanzi wa ulawilo wa zuwa. Sang'hano yawo ikala kusang'hana sang'hano ya ukulu wa nhambiko muna dihema da Mulungu kwa ichimu cha Waisilaili. Munhu imwenga yoyose yahadikwenhukila dihema da Mulungu kolondeka yakomigwe.

Peta 3:10

Uweke Haluni na wanage wa chilume kusang'hana fana wakulu wa nhambiko, munhu imwenga yoyose yahageza kusang'hana sang'hano ya ukulu wa nhambiko, kezakomigwa.”

Walawi 20:20

One mulume yahambandama muke wa mtumba wake, kamguma chinyala mtumba wake, mulume iyo na muke iyo wezatagusigwa kwa uhasanyi uwatendile na wezadanganika bila kupata wana.

Kulawa 28:43

Haluni na wanage wezavala kaputula izo chila vondawengile muna dihema da Mulungu hebu vondawawe habehi na ulupango na kutenda sang'hano za ukulu wa nhambiko hana ihanhu helile. Kwa kutenda ivo hawezalagusa mwazi wawo na kukomigwa. Iyo izakuwa ndagilizi ya siku zose kwa Haluni na welesi wake.