Peta 16:14 - Biblia Ching'hwele

¹⁴ Huchigalile muna iisi ili na ulongo unogile, hebu huching'hile uhazi wa migunda, na migunda ya mizabibu, vino kolonda kuwatula yameso wanhu wano na kuwavwizila? Cheye hachizakwiza!”

Peta 16:14 Referans Kwoze

Walawi 20:24

Mbali nimulongelani, “Mwizahazi isi yawo, nizamwing'hani fana uhazi, isi ili na ulongo unogile.” Niye Mndewa Mulungu, Mulungu wenu, yonimbaguleni na wanhu wa zisi zimwenga.

Peta 20:5

Na habali muchilava Misili na kuchigala hanhu hano hehile? Hanhu hano habule mhule hebu nhini hebu zabibu hebu makomamanga hebu mazi ya kung'wa!”

Kulawa 23:11

Mbali muna umwaka wa saba, kwizaleka migunda yako yose bila ya kuhanda mbeyu muladi ngayengaye weli mwa wanhu wako wapate ndiya isigale umo na wanyama wa kumbago waje. Kwizatenda ivo ivo muna umgunda wako wa mizabibu na mizaituni.

Kulawa 22:5

“Munhu yahawadima wanyama wake muna umgunda wa mizabibu na kumulekelela mnyama wake yaje muna umgunda wa munhu imwenga, kezaliha udanganyi uwo kwa ndiya inogile ya umgunda wake mwenyewo hebu mgunda wake wa mizabibu.

Kulawa 3:17

Na nimulaganilani kuwa nizamulavani muna yamanhesa yenu uko Misili na kuwengiza muna iisi ya Wakanaani na Wahiti na Waamoli na Wapelizi na Wahivi na Wayebusi‚ isi ili na ulongo unogile.

Kulawa 3:8

Ivo nihumuluka muladi niwakombole muna imikono ya Wamisili‚ nizawalava umo na kuwagala kuna isi ino inogile na ng'hulu, isi ili na ulongo unogile‚ isi ya Wakanaani na Wahiti na Waamoli na Wapelizi na Wahivi na Wayebusi.

Kulawa 23:10

“Kwa miyaka sita kwizahanda migunda yako na kwaha vinhu vihandigwe.

Peta 13:27

Wamulongela Musa, “Chifika kuna iisi youchitumile, isi ina ulongo unogile ng'hani na yano ni matunda yake.

Peta 14:8

One Mndewa Mulungu yahanogelwa na cheye, kezachigala kuna iisi iyo na kuching'ha iwe yetu, isi ili na ulongo unogile ng'hani.