Peta 14:22 - Biblia Ching'hwele

²² habule hata imwe yawonile utunhizo wangu na mauzauza yangu yonitendile Misili na kuchuwala maabaho kaiyoha kunigeza miyanza iyo yose bila kutegeleza dizi jangu,

Peta 14:22 Referans Kwoze

Mwanduso 31:7

Hata ivo kanivwizila na kasakanya yombe jangu miyanza longo. Mbali Mulungu hamulekele yanilumize.

Kulawa 32:1

Wanhu viwawonile Musa kakalama kuhumuluka kulawa kuna mulima, waiting'hana kumzunguluka Haluni na wamulongela, “Chitengenezele nyang'hiti za milungu yondaichilongoze. Musa yoyachilavile kuna iisi ya Misili, hachivimanyile kapatigwa na choni.”

Kulawa 17:2

Walongelela kwa Musa, walonga, “Ching'he mazi ya kung'wa.” Musa kawedika, “Habali molongelela kumwangu? Habali momgeza Mndewa Mulungu?”

Waebulaniya 3:9

Kuja wasaho zenu waniguma muna yamagezo na wanigeza, ingawa wawona yaja yonitendile kwa miyaka malongo mane!

1 Wakolimso 10:9

Sekechimgeze Mndewa Chilisito, fana viwamgezile wawo viwatendile, nawo wakomigwa na mazoka.

1 Wakolimso 10:5

Mbali wengi wawo Mulungu hawanogele bule, ivo mitufi yawo ipwililisigwa kuna dibwilingu.

Masayo 4:7

Yesu kamwidika, “Iviya Yamaandiko Yelile yolonga, ‘Sekeumgeze Mndewa Mulungu wako.’ ”

Peta 14:11

Mndewa Mulungu kamulongela Musa, “Wanhu wano wezanizeha mbaka zuwaki? Hawezanihuwila mbaka zuwaki, ingawa nitenda vilaguso ivo vose kumwawo?

Kulawa 14:11

Wamulongela Musa, “Vino hakukalile na maleme muna iisi ya Misili mbaka kuchigala chidanganikile kuno kuchuwala? Habali kuchitendela yano kwa kuchilava muna iisi ya Misili?

Mwanduso 31:41

Miyaka malongo maidi yose nikala hamwe na weye. Nikusang'hanila miyaka longo na mine kwa ichimu cha wandele zako waidi na miyaka sita kwa ichimu cha wanyama wako, mbali weye kwasakanya yombe jangu miyanza longo.

Kulawa 5:21

Wawalongela Musa na Haluni, “Mndewa Mulungu yamuloleni na kuhumiza, kwaviya muchitenda cheye fana china mnung'ho wihile haulongozi ha mfalume wa Misili na wasang'hani wake, mweye muweng'ha chimu cha kuchikoma.”

Kulawa 15:24

Wanhu walongelela kwa Musa, walonga, “Lelo chizakung'wa choni?”

Kulawa 16:2

Kuja kuichuwala Waisilaili wose walongelela kwa Musa na Haluni,

Kulawa 17:3

Mbali wanhu wakala na ng'hilu ng'hani, walongelela kwa Musa, walonga, “Habali kuchilava kuna iisi ya Misili uchikome na ng'hilu cheye na wanetu na wanyama wetu?”

Kulawa 17:7

Musa kahatanga hanhu baho Masa na Meliba, kwaviya Waisilaili walongelela na kumgeza Mndewa Mulungu, walonga, “Vino kweli Mndewa Mulungu kahamwe na cheye?”

Peta 11:1

Wanhu wandusa kulongelela kwa Mndewa Mulungu kwa manhesa yawo. Mndewa Mulungu viyahulike, kehilwa na kawagalila moto. Moto uwo waka hagati yawo na utimbula ubanzi umwe wa lago.

Peta 11:4

Hagati ya Waisilaili kukala na bumbila dimwenga dikala na hamu ng'hulu. Waisilaili walila kaidi, walonga, “Muhavu chipate nyama imwenga ya kuja!

Peta 12:1

Miliamu na Haluni wandusa kumulonga vihile Musa kwa ichimu cha imuke Mkushi iyamsolile.

Peta 14:2

Waisilaili wose walongelela kwa Musa na Haluni, wanhu wose walonga, “Ihawile muhavu chihadanganikile muna iisi ya Misili, hebu ihawile muhavu chihadanganikile muna ichuwala chino!

Kumbukumbu 9:7

“Kumbukeni na sekemuzimize viya vimumtendile Mndewa Mulungu, Mulungu wenu yehilwe ng'hani kuchuwala. Kwandusila siku ija vimulawile muna iisi ya Misili mbaka vimufikile hanhu hano, muleka kumtegeleza Mndewa Mulungu.

Peta 32:12

Habule hata imwe yondayaiwone, ila Kalebu mwana wa Yefune, Mkenizi, na Yoshua mwana wa Nuni, mana wawo wamtegeleza Mndewa Mulungu.’