Peta 14:18 - Biblia Ching'hwele

¹⁸ ‘Mndewa Mulungu kabule ludoko lwa hima hima na kamema ulondo wa kufunya umoyo na kolekelela ubananzi na uhasanyi. Mbali hezaleka kuwatagusa wana na wazukulu wa nyelesi yetatu na yekane kwa ubananzi wa tati zawo.’

Peta 14:18 Referans Kwoze

Kulawa 20:5

Sekeuitumbalile mavindi hebu kuisang'hanila, kwaviya niye Mndewa Mulungu, Mulungu wako, ni Mulungu nili na migongo. Nowatagusa wana kwa uhasanyi wa tati zawo, kwa nyelesi yetatu na yekane ya waja wonihila.

Kumbukumbu 5:9

Sekeutumbalile mavindi hebu kutambikila nyang'hiti, kwaviya niye Mndewa Mulungu, Mulungu wako ni Mulungu nili na migongo. Nowatagusa wana kwa wihi wa tati zawo mbaka welesi wetatu na wekane wa waja wonihila niye.

Waloma 5:21

Fana viya uhasanyi viutawale muna ifa, iviya ubazi wa Mulungu wizatawala kufosela unovu wa Mulungu na kuchigala muna ugima wa siku zose kufosela Yesu Chilisito Mndewa wetu.

Kulawa 20:6

Mbali nolagusa ulondo wa kufunya umoyo kwa nyelesi maelufu kwa waja wonilonda niye na kutegeleza ndagilizi zangu.

Peta 14:17

Nopula udahi wako weye Mndewa Mulungu uwe mkulu ng'hani fana viuchilaganile viulongile,

Peta 23:21

Halolile wihi kwa wanhu wa Yakobo, iviya hawonile magayo mwa Isilaili. Mndewa Mulungu, Mulungu wawo kahamwe nawo, dizi da mfalume da hagati yawo.

Kumbukumbu 5:10

Mbali nolagusa ulondo wangu kwa maalufu ya welesi wa waja wonilonda na kuzindilila malagilizo yangu.

Kumbukumbu 7:9

Muvimanye kuwa Mndewa Mulungu, Mulungu wenu, niiyo Mulungu yokwaminika. Kezakwika lagano jake na kulagusa ulondo wake wa kufunya umoyo kwa nyelesi za waja womulonda yeye na wozindilila malagilizo yake mbaka nyelesi alufu.

Kumbukumbu 7:10

Mbali kowaliha vowolondeka waja womwihila, hebu hezaleka kuwatagusa womwihila.