Peta 12:3 - Biblia Ching'hwele

³ Musa kakala munhu yoinyendanyenda ng'hani kufosa wanhu wamwenga wose muna iisi.

Peta 12:3 Referans Kwoze

Masayo 11:29

Soleni nila yangu na mwiike mchanyha yenu, na mukaifunze kumwangu. Kwaviya niye namuhole na notegeleza izenu nowamanya kulawa muna umoyo wangu, mweye mwizapata laha muna imizoyo yenu.

Yakobo 3:13

Vino yelihi yeli na ubala na umanyi vomwili? Basi nayalaguse mbuli iyo kwa ugenzi wake unogile na sang'hano zake zinogile zozitendeka kwa kunyendanyenda na ubala.

2 Wakolimso 12:11

Nolonga fana mbozi, mbali mweye iyo muniwangilize kutenda viya. Kwa ichimu chiya nilondeka kutogozigwa na mweye. Kwaviya hata fana niye si chinhu, waja wowoitanga kuwa ni “Watumigwa wakulu” hawanihuma chinhu.

2 Wakolimso 11:5

Mbali, niye sigesa bule kuwa namdodo kufosa waja wowoitanga wenyewo “watumigwa wakulu”.

Masayo 5:5

Wamweda waja weli wahole, kwaviya Mulungu kezawatenda wawe wahazi wa isi.

1 Petili 3:4

Mahambo yano yolondeka yalawe mgati ya moyo wa munhu na ni mahambo hayawola na ya unyendanyenda na ya muhe wa uhole yoyofaya haulongozi wa Mulungu.

1 Wasesalonike 2:7

Cheye cha watumigwa wa Chilisito chahadahile kumgazani mweye, mbali cheye chilagusa uhole fana viya mama viyomulolesa mwanage.

2 Wakolimso 10:1

Niye Paulo mwenyewo nowalamba kwa uhole na kwa unovu wa Chilisito, niye iyo ija iwolonga muhole na unyendanyenda lusita voniwa hamwe na mweye, na wanhu wamwenga wolonga viniwa hatali na mweye na mkali.

Masayo 21:5

“Dilongele bululu da Sayuni, ‘Lola mfalume wako kokwiza, muhole na kakwela chihongwe, mwana chihongwe.’ ”

Peta 12:4

Kwa kusinhukila Mndewa Mulungu kawalongela Musa na Haluni na Miliamu, “Mweye wose watatu laweni na mwize hana dihema da Mulungu.” Ivo watatu wawo wahita muna dihema da Mulungu.