Peta 11:16 - Biblia Ching'hwele

¹⁶ Mndewa Mulungu kamulongela Musa, “Niduganyile walume malongo saba kulawa mwa walangulizi wa Isilaili, waja weye kuwamanya kuwa niiwawo walangulizi wa wanhu wawo, uwagale hana dihema da Mulungu, weme hamwe na weye.

Peta 11:16 Referans Kwoze

Kulawa 24:1

Maabaho Mndewa Mulungu kamulongela Musa, “Kweleni kumwangu, weye na Haluni na Nadabu na Abihu, hamwe na walala malongo saba wa Isilaili, munitumbalile mavindi kwa kutali.

Kulawa 24:9

Musa na Haluni na Nadabu na Abihu, hamwe na walala malongo saba wa Waisilaili wakwela kuumulima

Kumbukumbu 16:18

“Mwizasagula wasemi na wemilizi kulawa muna yamakabila yenu yondayamwing'heni Mndewa Mulungu, Mulungu wenu, nawo wezawahumiza wanhu voilondeka.

Kumbukumbu 1:15

Ivo niwasola walangulizi waja weli na ubala na wohishimika womuwasagule kulawa muna yamakabila yenu, niweka wawe walangulizi wenu. Wawo niweka wawe walangulizi wa mabumbila ya wanhu elufu na walangulizi wa mabumbila ya wanhu gana na walangulizi wa mabumbila ya wanhu malongo matano na walangulizi wa mabumbila ya wanhu longo. Nisagula wakalizi wa kudima chila kabila.

Mwanduso 46:27

Uko kwiisi ya Misili Yosefu keleka wana waidi. Ivo peta yose ya welesi wa Yakobo wengile Misili wakala malongo saba.

Luka 10:17

Hamwande wanhu waja malongo saba na waidi wabwela wodeng'helela, walonga, “Mndewa, hata vinyamkela vochihulika kwa zina jako!”

Luka 10:1

Maabaho Mndewa kawasagula wanhu wamwenga malongo saba na waidi, kawatuma waidi waidi wamulongolele kuhita chila hanhu na chila bululu hoyalondile kuhita.

Kulawa 4:29

Musa na Haluni wahita Misili na wawaduganya hamwe walala wose wa Isilaili.

Kumbukumbu 31:28

Waduganyeni haulongozi wangu walala wose wa makabila yenu na walangulizi wenu wose, muladi nidahe kulonga mbuli zino wazihulike, ulanga na isi vilave ukalangama kusonhela wawo.

Kulawa 18:25

Musa kasagula wanhu walume weli na udahi mwa Waisilaili, kawatenda kuwa walangulizi wa mabumbila ya wanhu elufu na mabumbila ya wanhu gana na mabumbila ya wanhu malongo matano na mabumbila ya wanhu longo.

Peta 11:24

Ivo Musa kalawa kunze na kuwalongela wanhu mbuli iyalongile Mndewa Mulungu. Maabaho kawaduganya walangulizi malongo saba na kawemiza kuzunguluka hema.

Peta 16:25

Musa kenuka na kahita kwa Dasani na Abilamu, walala wa Isilaili wamsondelela.