Masayo 5:10 - Biblia Ching'hwele

¹⁰ Wamweda waja wogazigwa kwa ichimu cha yoyolonda Mulungu, kwaviya Ufalume wa kuulanga ni wawo!

Lagano da Sambi kwa Wanhu Wose

¹⁰ Wamweda waja wogazigwa kwa ichimu cha yoyolonda Mulungu, kwaviya Ufalume wa kuulanga ni wawo!

Masayo 5:10 Referans Kwoze

Yakobo 1:12

Wamweda wanhu waja wosigala kwaminika muna ukugezigwa, kwaviya lusita vondawayahume magezo, wezahokela gweko jawo da ugima uja Mulungu uyalongile kezaweng'ha wanhu waja wowomulonda.

2 Wakolimso 4:17

Kwaviya uzidilwa wochipata ni ndodo na lusita muhala, wochisasalila utunhizo wa siku zose wokuwa unoga kufosa uzidilwa uno.

Masayo 5:3

“Wamweda waja ngayengaye wa muhe, kwaviya Ufalume wa kuulanga ni wawo!

Luka 6:22

“Mumweda mweye one wanhu wahamwihilani, wahawabagula na kuwaliga na kulonga mweye mwa wehi, kwa ichimu cha Mwana wa Munhu!

2 Timoseyo 2:12

One chihagendelela kufunya umoyo, iviya chizalanguliza hamwe nayo. One chahambela, nayo iviya kezachibela.

Wafilipi 1:28

Sekemuwadumbe wehi wenu, yayo yezalagusa kuwa wawo wezanangigwa, na mweye mwizakomboligwa kwaviya ukombola wenu wolawa kwa Mulungu.

Luka 21:12

Mbali yang'hali kulawilila yayo yose, wezamgwilani na kumdununzani. Wezamgalani muna zikaye za kutosela, na muna ivifungo, na wezawagalani haulongozi ha wafalume na watawala kwaviya munihuwila.

Yohana 15:20

Mukumbuke chiniwalongele, ‘Mtumwa siyo mkulu kufosa mwenevale wake.’ One wanhu wonigaza niye, iviya na mweye wezangazani. One woyamha Malagilizo yangu iviya wezayamha malagilizo yenu.

Lugubulo 2:10

Sekeudumbe kwa chinhu chochose choonda chikupate kwa ichimu cha manhesa. Nokulongela, Mwihi kezawageza na wamwenga wenu kezaweka muna ichifungo. Uwe mwaminika hata ihawa mbaka kudanganika, na niye nizakwing'ha kombelo da ugima.

2 Timoseyo 3:11

kugaya kwangu na yangu. Kuyamanya yose yoyanilawilile uko Antiyokiya na Ikoniya na Lisitila, nifunya umoyo magayo makulu. Mbali Mndewa kanilopola muna yayo yose.

Masayo 25:34

Maabaho Mfalume kezawalongela waja weli ubanzi wake wa kulume, ‘Izoni mweye womutemiligwe mate na Tati yangu, hokeleni ufalume unifunganyiligwe kwandusila isi viilumbigwe.

Maliki 10:30

kezahokela miyanza mingi, muna lusita luno lwa sambi. Kezahokela miyanza gana, kaye, wandugu, walumbu, mama, wana na migunda na viyaviya kudununzwa. Na muna ulusita lukwiza, kezahokela ugima wa siku zose.

Luka 6:20

Yesu kawalola wanahina wake, kalonga, “Mumweda mweye ngayengaye, kwaviya Ufalume wa Mulungu ni wenu!

Masayo 10:23

Wanhu wahamuwingani muna dibululu dimwe, kimbilileni bululu dimwenga. Nomulongelani kweli kuwa hamwizakomeleza sang'hano yenu muna yamabulu yose ya Isilaeli yang'hali Mwana wa Munhu hanakwiza.

1 Yohana 3:12

Sekechiwe fana viya Kaini viyawile wa Mwihi ija kwa kumkoma chisede Habili mdodo wake mwenyewo. Habali Kaini kamkoma chisede Habili? Kwaviya kasang'hana yehile mbali ndugu yake kasang'hana yanogile.

Sang'hano 8:1

Sauli nayo kawona vinoga kukomigwa kwa Sitefano. Siku ija, wahuwila wa Chilisito wose wa Chilisito weli Yelusalemu wandusa kugaya ng'hani. Wanhu wose wowamtogole Yesu wapwililikila isi ya Yudeya na Samaliya, ila watumigwa muhala wasigala.

Sang'hano 5:40

Wawatanga watumigwa mgati na wawalanha mibalati na kuwalongela sekewafundize kaidi kwa zina da Yesu, maabaho wawalekelela wahite.

Masayo 19:14

Yesu kalonga, “Walekeni wana wadoododo weze kumwangu, sekemuwalemese. Kwaviya Ufalume wa kuulanga ni wa wanhu fana wawo.”

Maliki 10:14

Yesu viyaonile ivo, kehilwa, kawalongela wanahina wake, “Walekeni wana wadoododo weze kumwangu, sekemuwagome kwaviya Ufalume wa Mulungu ni wa wanhu fana wana wano.

Luka 22:29

Na niye nomwing'hani mweye ufalume, fana Tati yangu viyaning'hile niye.

Yakobo 5:11

Chowatanga waja watemiligwa mate na Mulungu wowagozele. Muhulika mbuli ya kufunya umoyo kwa Ayubu na movimanya viya Mndewa viyamtendele kuuhelelo. Kwaviya Mndewa kamema ubazi na unovu.