Luka 6:48 - Biblia Ching'hwele

⁴⁸ iyo kalinga fana munhu yoyazengile kaye kwa kuhimba chandusilo muuluwe na kuzenga kaye yake baho. Mvula ng'hulu viitonyile, mazi mengi yaitowa kaye ija, mbali haitingisike kwaviya ikala izengigwe vinogile.

Lagano da Sambi kwa Wanhu Wose

⁴⁸ iyo kalinga fana munhu yoyazengile kaye kwa kuhimba chandusilo muuluwe na kuzenga kaye yake baho. Mvula ng'hulu viitonyile, mazi mengi yaitowa kaye ija, mbali haitingisike kwaviya ikala izengigwe vinogile.

Luka 6:48 Referans Kwoze

Yuda 1:24

Kumwake yeye yodaha kumkalizani muladi sekemugwe, na kumgalani bila ubananzi na nheng'helelo ng'hani, mbaka haulongozi ha utunhizo wake,

Waefeso 2:20

Muzengigwa muna ichandusilo chikigwe na watumigwa na walotezi, nayo Chilisito Yesu mwenyewo iyo mhanda ya mgomba.

1 Yohana 2:28

Lelo wanangu, gendeleleni kukala mgati yake, muladi vondayalawilile sekechidumbe na sekechimuwonele chinyala vondayeze.

2 Timoseyo 2:19

Mbali ukweli wa Mulungu wima chigangamavu fana viya dibwe da chandusilo, na kuchanyha yake kwandikigwa mbuli zino za chilaguso, “Mndewa kawamanya wanhu wake” na “Wanhu wose woilonga kuwa wawo wa Mndewa, waleke mbuli zihile.”

2 Petili 1:10

Ivo lelo ndugu zangu, iyoheni ng'hani kuutenda uwo umtango wenu na kusaguligwa kumwenu na Mulungu iwe mbuli ya kugendelela fana muhakala ivo hamwizakugwa ng'oo!.

Sang'hano 14:22

Wawagangamiza wanahina mizoyo yawo wa mabululu yayo na wawalamba wakale muna uhuwilo. Wawafundiza, “Cholondeka chifosele muna yamanhesa mengi muladi kwingila muna Ufalume wa Mulungu.”

Yohana 16:33

Nimulongelani mbuli zino zose muladi mukale mgati mmwangu na muwe na tindiwalo. Muna isi ino mwizagazigwa. Mwiigangamize! Niye niihuma isi ino!”

Kumbukumbu 32:15

Wanhu wa Isilaili wanona na kutowa mateka, waneneha, wawa na matupe na wanogeza, maabaho wamuleka Mulungu yawaumbile, wamzeha luwe wa ukombola wawo.

Kumbukumbu 32:31

Mana luwe wawo halingile na nguvu fana Luwe wetu, hata wehi wetu wavimanya.

Kumbukumbu 32:18

Hamumgesile Luwe yoyamwing'hileni ugima, mumzimiza Mulungu yoyamwelekeni.

Luka 6:47

Niza walagusa munhu yoyose yokwiza kumwangu na kunitegeleza na kunihulika

Luka 6:49

Mbali munhu yoyose yoyohulika mbuli zangu sekeyatende fana voyolondeka kutenda, iyo kalinga munhu yoyazengile kaye yake muna umsanga bila kuhimba chandusilo. Mvula ng'hulu viitonyile, mazi yaitowa kaye ija, itingisika na kugwa! Na kaye yose ibanangika ng'hani.”