Luka 22:57 - Biblia Ching'hwele

⁵⁷ Mbali Petili kabela mbuli iyo, “Mwanamke weye, simmanyile bule iyo youmulonga!”

Lagano da Sambi kwa Wanhu Wose

⁵⁷ Mbali Petili kabela mbuli iyo, “Mwanamke weye, simmanyile bule iyo youmulonga!”

Luka 22:57 Referans Kwoze

1 Yohana 1:9

One chahamulongela Mulungu uhasanyi wetu, yeye kokwaminika na kanoga siku zose na kezachilekelela uhasanyi wetu na kuchisafya vinhu vose vichitenda viya havimnogeza Mulungu.

Sang'hano 3:19

Samh'samheni na mumbwelele Mulungu, muladi yamulekeleleni uhasanyi wenu. Muhatenda ivo,

Yohana 18:27

Petili kabela kaidi, kalonga, “Aka.” Bahobaho nzogolo keka.

Yohana 18:25

Saimoni Petili kakala haja kogendelela kotela moto. Munhu imwenga kamuuza, “Vino weye iviya huli imwe wa wanahina wa munhu ino?” Mbali Petili kabela na kalonga, “Aka! Si niye bule!”

Luka 12:9

Mbali munhu yoyose yonda yanileme haulongozi ha wanhu, Mwana wa Munhu nayo kezamulema haulongozi ha wasenga wa kuulanga wa Mulungu.

Masayo 26:70

Mbali Petili kabela haulongozi ha wose, kedika, “Sivimanya kuwa kolonga choni.”

Masayo 10:33

Mbali munhu yoyose yondayanibele niye haulongozi ha wanhu, na niye nizambela haulongozi ha Tati yangu wa kuulanga.

Luka 22:56

Msang'hani imwe mwanamke viyamuwone kakala baho kokotela moto, kambunhulila meso, kalonga, “Munhu ino kakala hamwe na Yesu!”

Luka 22:58

Hamwande chidogo munhu imwenga kamuwona Petili na kalonga, “Weye nayo iviya kwa imwe wawo!” Mbali Petili kedika, “Aweye, siyo niye bule!”