Luka 2:14 - Biblia Ching'hwele

¹⁴ “Utunhizo kwa Mulungu yeli uchanyha ng'hani kuulanga, na tindiwalo kwa wanhu weli muna isi yose woyanogeligwe nawo.”

Lagano da Sambi kwa Wanhu Wose

¹⁴ “Utunhizo kwa Mulungu yeli uchanyha ng'hani kuulanga, na tindiwalo kwa wanhu weli muna isi yose woyanogeligwe nawo.”

Luka 2:14 Referans Kwoze

Waloma 5:1

Lelo kwa uhuwilo chitogoligwa chinoga haulongozi ha Mulungu, lelo china tindiwalo na Mulungu kufosela Mndewa wetu Yesu Chilisito.

Luka 19:38

Walonga, “Mulungu kamtemela mate mfalume yokwiza kwa zina da Mndewa! Mulungu kachipatila tindiwalo kuulanga, na ukulu kuchanyha ng'hani kuulanga!”

Wakolosai 1:20

Kufosela mwanage Mulungu kavibweleza vinhu vose kuulanga na muna isi. Na Mulungu kagala tindiwalo kwa nzila ya damu ya Mwanage yoitike mumsalaba.

Luka 1:79

kwizawamwemwesela wose wowokala muna diziza na sisila da ifa, yalangulize hatuwa zetu muna inzila ya tindiwalo.”

Lugubulo 5:13

Iviya nihulika viumbe vili na ugima viya vose vili kuulanga na muna isi na hanhu howokala wanhu wadanganike na muna ibahali. Ona! Vinhu vose vili muna isi yose vomwimbila, “Ukulu na hishima na nhogolwa, na ludabwa viwe, kumwake yeye yokala muna ichigoda cha chifalume na kwa Mwanang'hondolo siku zose.”

Sang'hano 10:36

Mweye movimanya usenga uyatumile Mulungu kwa wanhu wa Isilaeli, kupeta Mbuli Inogile ya tindiwalo kufosela Yesu Chilisito, yeli Mndewa wa wose.

Yohana 17:4

Niulagusa ukulu wako muna isi, niikomeleza sang'hano younhumile niisanane.

2 Wasesalonike 2:16

Chompula Mndewa wetu Yesu Chilisito mwenyewo na Mulungu Tati yetu kachilonda na kwa unovu wake kachigela moyo siku zose na kuchigangamiza muna dilolelo dinogile,

Wafilipi 2:11

Na kwa utunhizo wa Mulungu Tata, chila lulimi lwizatogola kuwa, “Yesu Chilisito ni Mndewa!”

Luka 3:22

Muhe Yelile kamuhulumukila muna ulukuli fana lwa nziwa. Dizi dihulikigwa kulawa kuulanga, “Weye iyo mwanangu, nyachende wangu. Ninogeligwe na weye.”

Masayo 21:9

Lung'husesa lukulu lwa wanhu lulongole na waja wowasondelele walandula madizi yawo, walonga, “Nhogolwa, Mwana wa Daudi, Mulungu yomtemela mate yokwiza kwa zina da Mndewa! Nhogolwa kwa yeli mchanyha ng'hani kuulanga.”

Waefeso 1:9

Mulungu kalonda chidimanye lungilo jake dodifisike doyalondile kuditenda. Kanogezigwa na kalamula kuditenda mwa Chilisito.

Waefeso 1:6

Lekeni chimwing'he nhogolwa Mulungu kwa ichimu cha ulondo wake uli na utunhizo, uyaching'hile bule kufosela Mwanage nyachende!

Wafilipi 2:13

kwaviya Mulungu kosang'hana mgati yenu yawadahizeni muwe na lungilo na mudahe kutegeleza lungilo jake mwenyewo.

Waefeso 2:7

Ivo viyalondile kulagusa kwa lusita lwa hamwande ukulu wa unovu wake ulibule ningo kwa ulondo uyaching'hile kwa kuilumba na Chilisito Yesu.

Waefeso 2:4

Mbali ubazi wa Mulungu ni mkulu ng'hani, na ulondo wake kumwetu ni mkulu ng'hani,

Yohana 14:27

“Nowalekelani tindiwalo, nomwinani tindiwalo jangu. Simwinani bule fana isi voitenda. Sekemwazanywe. Sekemudumbe.

Yohana 3:16

Kwaviya Mulungu kawalonda wanhu wa isi yose mbaka kamulava Mwanage nyachende, muladi chila munhu yoyomtogola sekeyadanganike, mbali yawe na ugima wa siku zose.

Luka 2:13

Hajahaja, bumbila kulu da wasenga wa kuulanga diiting'hana na mtumigwa ija wa kuulanga, wamwimbila Mulungu na kulonga,

Luka 2:15

Wasenga wa kuulanga wawo viwabwelile kuulanga, wadimi wailongela, “Chihite Betelehemu chikawone icho chochilawilile, choyachilongele Mndewa.”