Luka 11:4 - Biblia Ching'hwele

⁴ Chilekelele uhasanyi wetu, fana cheye vochiwalekelela wowachitendele yehile. Sekeuchingize muna yamagezo.’ ”

Lagano da Sambi kwa Wanhu Wose

⁴ Chilekelele uhasanyi wetu, fana cheye vochiwalekelela wowachitendele yehile. Sekeuchingize muna yamagezo.’ ”

Luka 11:4 Referans Kwoze

Masayo 26:41

Kaleni meso na mutose muladi sekemugezigwe. Moyo wolonda kutenda yanogile, mbali lukuli lwabule nguvu.”

Wakolosai 3:13

Muifunyile umoyo na kuilekelela mweye kwa mweye lusita lose munhu yahawa na mbuli ya kumtagusa miyage. Molondeka muilekelele fana viya Chilisito viyamulekeleleni mweye.

Masayo 18:35

Yesu kakomelezela kulonga, “Ivo niivo vondaiwe Tati yangu wa kuulanga vondayawatende mweye, one mweye hamuwalekele ndugu zenu kulawa muna imizoyo yenu.”

Yakobo 2:13

Mulungu hezamuwonela ubazi bule munhu yoyose hawawonela ubazi wamwenga. Mbali ubazi wohuma nhaguso.

2 Timoseyo 4:18

Na Mndewa kezanilopola kwa chila sang'hano ihile, na kunika nikale bila ya kugaya muna ufalume wake kuulanga. Mndewa yeng'higwe ukulu siku zose. Ivo!

2 Wasesalonike 3:3

Mbali Mndewa ni wa kwaminika yondayawatende mugangamale na kuwakaliza na Mwihi.

1 Wakolimso 10:13

Magezo yongezigwa ni yakawaida kwa wanhu. Mbali Mulungu kokwaminika, nayo hezatogola mugezigwe kufosa nguvu zenu, mbali hamwe na kugezigwa, kezaweng'heni iviya nguvu ya kufunya umoyo na nzila ya kulawa umo vinogile.

Yohana 17:15

Mbali sikupula bule uwasegeze muna iisi, mbali nopula uwalolese na ija imwihi.

Luka 22:46

Kawalongela, “Habali mogona? Lamkeni toseni muladi sekemugezigwe.”

Luka 8:13

Mbeyu zozilagalile muulongo uli muuluwe zolagusa wanhu wowohulika Mbuli ya Mulungu na kuihokela kwa deng'ho, mbali wabule mizizi haiwengila ng'hani bule muimizoyo yawo. Woitogola kwa lusita luguhi muhala, mbali wahagezigwa woileka.

Lugubulo 3:10

Kwaviya weye kuyamha mbuli yangu ya kuwa na ufunya umoyo ng'hani, niye nizakukaliza vinogile lusita luja lwa magayo yoyokwiza muna isi yose kuwageza wanhu wose wowokala muna isi.

Lugubulo 2:10

Sekeudumbe kwa chinhu chochose choonda chikupate kwa ichimu cha manhesa. Nokulongela, Mwihi kezawageza na wamwenga wenu kezaweka muna ichifungo. Uwe mwaminika hata ihawa mbaka kudanganika, na niye nizakwing'ha kombelo da ugima.

Mwanduso 48:16

Msenga wa kuulanga ija yoyanikombole niye muna yehile yose, yawatemele mate wabwanga wano! Wezatangigwa wanangu kwa ludongo lwa welesi wa Bulahimu na Isaka na wongezeke kwa wingi muna iisi.”

Luka 11:5

Maabaho Yesu kawalongela wanahina wake, “Chitende imwe wenu kahita kuikaye ya mbwiyake ichilo na kulonga, ‘Mbwiyangu, nyazime ndiya

Luka 13:4

Hebu mwogesa waja wanhu longo na wanane wowadanganike kwa kulagaliligwa na lingo uko Siloamu wakala na uhasanyi kufosa wanhu wose wakalile Yelusalemu?