Kumbukumbu 9:5 - Biblia Ching'hwele

⁵ Si kwaviya mweye munoga na motenda yanogile lekamana Mndewa Mulungu kamulekani muisole isi yawo, mbali kwa ubananzi wa wanhu wawo, Mndewa Mulungu, Mulungu wenu kawawinga haulongozi wenu muladi yaigangamize mbuli ija iyawalahile wasaho zenu Bulahimu na Isaka na Yakobo.

Kumbukumbu 9:5 Referans Kwoze

Tito 3:5

kachilopola cheye, siyo kwaviya chitenda yanogile mbali kwa ubazi wake, kufosela Muhe Yelile yachitendile kuwa wanage kwa kwelekigwa mwanza wekaidi na kuching'ha ugima wa sambi kwa kuchisunha na mazi.

Mwanduso 26:4

Nizakwing'ha welesi mwingi fana viya nhondo zili kuulanga na kuweng'ha zisi zino zose. Kufosela welesi wako wanhu wa makabila yose wezatemeligwa mate.

Mwanduso 17:8

Nizakwing'ha weye na welesi wako isi ino imuli nyambenyambe sambi. Isi yose ya Kanaani izakuwa yenu siku zose, na niye nizakuwa Mulungu wawo.”

Mwanduso 15:7

Maabaho Mndewa Mulungu kamulongela Abulamu, “Niye niiyo Mndewa Mulungu yonikulavile kulawa Ulu bululu da Wakalidayo, muladi nikwing'he isi ino iwe yako.”

Mwanduso 13:15

Isi ino yose yowiiwona, nizakwing'ha weye na welesi wako siku zose.

Mwanduso 12:7

Mndewa Mulungu kamulawilila Abulamu na kamulongela, “Ino iyo iisi yondaniweng'he welesi wako.” Maabaho Abulamu kamzengela lupango Mndewa Mulungu, yoyamulawilile.

Kulawa 32:13

Wakumbuke wasang'hani wako, Bulahimu na Isaka na Yakobo, wouwalahile kwa kulonga, ‘Nizakongeza welesi wenu fana nhondo za kuulanga na nizaweng'ha welesi wenu isi ino yose yonimulahileni kuweng'ha, izakuwa yawo siku zose.’ ”

Mwanduso 28:13

Mndewa Mulungu kema habehi nayo kamulongela, “Niye niiyo Mndewa Mulungu, Mulungu wa tati yako Bulahimu na Isaka,” kalonga, “Nizakwing'ha weye na welesi wako isi ino yuwiigonela.

Waloma 15:8

Kwaviya nowalongela kuwa Chilisito ugima wake kawasang'hanila Wayahudi, yapate kulagusa uwaminifu wa Mulungu na iviya ivilagano viya va Mulungu viyaweng'hile wasaho zetu, vidahe kufika.

Waloma 11:28

Kwaviya walema Mbuli Inogile, Wayahudi ni wehi wa Mulungu kwa ichimu cha wanhu weli siyo Wayahudi. Mbali kwa ichimu cha usaguzi wa Mulungu, Wayahudi ni walondwa wake kwa ichimu cha wasaho zawo.

Sang'hano 3:25

Chilagano cha Mulungu kumwenu kufosela walotezi wake ni kwa ichimu chenu, mweye mwa hanhu ha lagano diyatendile Mulungu na wasaho zenu. Fana viyamulongele Bulahimu, ‘Kufosela welesi wako, nizawatemela mate wanhu wose muna isi yose.’

Mwanduso 19:29

Baho Mulungu viyanangile mabululu ya dibawe Lutu hoyakalile kokala, kamkumbuka Bulahimu kwa kumulava Lutu muna yamabululu yano, muladi Lutu sekeyanangigwe.

Walawi 18:25

Isi yawo yambula mwiko, niye niitagusa, nayo iwadeka wanhu wake.

Kumbukumbu 12:31

Sekemumtambikile Mndewa Mulungu, Mulungu wenu fana wawo viwotambikila milungu yawo, kwaviya chila chinhu cha kutibusa chiya hachilonda Mndewa Mulungu, waitendela milungu yawo, mbaka wawatimbula muna umoto wana wawo wachilume na wachike muladi kutambikila milungu yawo.

Kumbukumbu 18:9

“Vondamwingile muna iisi iyomwing'hani Mndewa Mulungu, Mulungu wenu, sekemuifunze vihendo vigeni va kutibusa vowotenda wanhu wa zisi izo.

Kumbukumbu 20:18

Buleivo wezamfunzani kutenda vihendo vawo va kutibusa vowavitendile kwa milungu yawo, na kuwatendani mumuhasanye Mndewa Mulungu, Mulungu wenu.

Mwanduso 15:16

Welesi wako wizabwela hano muna uwelesi wekane, kwaviya uhasanyi wa Waamoli haunakuwa mwingi muladi niwataguse.”

Walawi 18:24

“Sekeuitende wambule mwiko kwa kutenda mbuli izo, mana kwa mbuli izo nowawinga wanhu wa zisi zili habehi na mweye, kwaviya wawo wotenda ivo na kuitenda wambule mwiko.

Kumbukumbu 1:8

Isi ino yose niye Mndewa Mulungu niilaha kuwa nizaweng'ha wasaho zenu, Bulahimu na Isaka na Yakobo na nyelesi zawo. Hiteni mukaisole.’ ”

Kumbukumbu 18:12

Kwaviya Mndewa Mulungu, Mulungu wenu komwihila munhu yoyose yotenda mbuli zino, kwa ichimu cha mbuli izo zozitibusa, Mndewa Mulungu, Mulungu wenu, kezawawinga wanhu wa zisi izo haulongozi wenu.