Kumbukumbu 7:10 - Biblia Ching'hwele

¹⁰ Mbali kowaliha vowolondeka waja womwihila, hebu hezaleka kuwatagusa womwihila.

Kumbukumbu 7:10 Referans Kwoze

Waloma 12:19

Wambwiya zangu, sekemulihe vihile, ila mulekeleni Mulungu, kwaviya Yamaandiko Yelile yolonga, “Kulihiliza yehile ni sang'hano yangu, niye nizalihiliza, kolonga Mndewa.”

Kumbukumbu 32:35

Chisasi nizalihiza niye mwenyewo, migulu yawo izateleza, kwaviya siku yawo ya kudanganika yahabehi, uhelelo wawo wa habehi.

Kumbukumbu 32:25

Ng'hondo izagala zifa nyingi kunze ya zikaye, wezakuwa na ludumbo muna zikaye, wabwanga na wandele wezadanganika, wana ving'hele hebu walala weli na uhenga, hawezakuwa wagima.

Kumbukumbu 7:9

Muvimanye kuwa Mndewa Mulungu, Mulungu wenu, niiyo Mulungu yokwaminika. Kezakwika lagano jake na kulagusa ulondo wake wa kufunya umoyo kwa nyelesi za waja womulonda yeye na wozindilila malagilizo yake mbaka nyelesi alufu.

Kulawa 20:5

Sekeuitumbalile mavindi hebu kuisang'hanila, kwaviya niye Mndewa Mulungu, Mulungu wako, ni Mulungu nili na migongo. Nowatagusa wana kwa uhasanyi wa tati zawo, kwa nyelesi yetatu na yekane ya waja wonihila.

Kumbukumbu 32:41

one nihanola zele jangu dimelemeta na kugolosa mkono kulava nhaguso, nizawalihiliza wehi wangu, nizawatagusa wanhu wonihila.

Kulawa 34:7

Nolagusa ulondo wa kufunya umoyo kwa nyelesi maelufu, nolekelela ubananzi na uhasanyi, mbali sizaleka kuwatagusa wana na wazukulu wa nyelesi yetatu na yekane za wabananzi.”

Peta 10:35

Sanduku vidihitile, Musa kalonga, “Inuka weye Mndewa Mulungu! Wehi wako wapwililike na wanhu wokwihila wakimbile na kuhumigwa.”

Peta 14:18

‘Mndewa Mulungu kabule ludoko lwa hima hima na kamema ulondo wa kufunya umoyo na kolekelela ubananzi na uhasanyi. Mbali hezaleka kuwatagusa wana na wazukulu wa nyelesi yetatu na yekane kwa ubananzi wa tati zawo.’

Kumbukumbu 5:9

Sekeutumbalile mavindi hebu kutambikila nyang'hiti, kwaviya niye Mndewa Mulungu, Mulungu wako ni Mulungu nili na migongo. Nowatagusa wana kwa wihi wa tati zawo mbaka welesi wetatu na wekane wa waja wonihila niye.

Kumbukumbu 7:11

Ivo muiteganye muzindilile ndagilizi na malagilizo yonimulagilizani diyelo.