Kumbukumbu 6:7 - Biblia Ching'hwele

⁷ na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka.

Kumbukumbu 6:7 Referans Kwoze

Kumbukumbu 11:19

Wafunzeni wanenu mbuli zino, muzilonge vomukala muna zikaye zenu na vomugenda na vomugona na vomulamka.

Waefeso 6:4

Na mweye china tata sekemuwatende wanenu wehilwe, muwalele kwa nzila ya Mndewa muna inzuma na mafundizo.

1 Petili 3:15

Mbali siku zose mtunhizeni Chilisito fana Mndewa mgati ya mizoyo yenu. Muisasale siku zose kumwidika chila munhu yoonda yawauze mbuli ya lolelo dimwili najo. Tendeni ivo kwa uhole na hishima,

Kumbukumbu 6:2

Siku zose za ugima wenu, molondeka mumdumbe Mndewa Mulungu, Mulungu wenu, mweye na welesi wenu, kwa kuzindilila malagilizo yake yose na ndagilizi zake zose zonimwing'hani, muladi mukale siku nyingi.

Waefeso 4:29

Ulonzi wihile sekeuhulikike, mulonge mbuli zozifaya kuzenza na kuwataza wamwenga, muladi yomuyalonga yaweng'he unovu wanhu womtegelezani.

Mwanduso 18:19

Nimsagula yeye muladi yawafundize wanage na waja wokala muna ikaye yake kusondelela nzila ya Mndewa Mulungu kwa kutenda yanogile haulongozi wangu. Na niye nizamtendela Bulahimu chiya chonimulaganile.”

Luka 6:45

Munhu yanogile kolava yanogile muna ingama yake inogile yili muumoyo wake, na munhu yehile kolava yehile muumoyo uwake. Kwaviya munhu kolonga yoyamemile muumoyo wake.

Masayo 12:35

Munhu yanogile kolava vinhu vinogile muna ingama yake, na munhu yehile kolava vinhu vihile muna ingama yake.

Wakolosai 4:6

Ulonzi wenu uwe na unovu siku zose, udahe kunogeza, na molondeka muvimanye kumwidika vinogile chila munhu.