Kumbukumbu 4:9 - Biblia Ching'hwele

⁹ Mbali muiteganye ng'hani muladi sekemuzimize mbuli ziya zimuziwone kwa meso yenu wenyewo. Mbuli zino sekezilawe muna imizoyo yenu siku zose za ugima wenu. Wasimulileni wanenu na wazukulu zenu,

Kumbukumbu 4:9 Referans Kwoze

Kumbukumbu 6:7

na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka.

Kumbukumbu 11:19

Wafunzeni wanenu mbuli zino, muzilonge vomukala muna zikaye zenu na vomugenda na vomugona na vomulamka.

Mwanduso 18:19

Nimsagula yeye muladi yawafundize wanage na waja wokala muna ikaye yake kusondelela nzila ya Mndewa Mulungu kwa kutenda yanogile haulongozi wangu. Na niye nizamtendela Bulahimu chiya chonimulaganile.”

Kumbukumbu 32:46

kawalongela, “Zikeni muna imizoyo yenu mbuli zose zonimulongeleni diyelo, muladi muwalagilize wanenu wasondelele chigangamavu mbuli zose za lagilizo dino.

Waefeso 6:4

Na mweye china tata sekemuwatende wanenu wehilwe, muwalele kwa nzila ya Mndewa muna inzuma na mafundizo.

Kumbukumbu 29:29

“Mbuli zifisike ni za Mndewa Mulungu, Mulungu wetu, mbali mbuli zigubuligwe ni zetu na welesi wetu siku zose, muladi chitende mbuli zose za lagilizo dino.

Lugubulo 3:3

Basi sekeuzimize yaja youyahokele na viya viuhulike, uyasondelele yayo na kusamha uhasanyi wako. One hulamke bule nizakwiza fana mbavi, na hwizavimanya ng'o lusita voondanize kumwako kukutagusa.

Waebulaniya 2:1

Lekamana cholondeka kuyategeleza ng'hani yose kwa ugangamalo na ukweli yaja yochiyahulike muladi sekechiyapuwe.

Waebulaniya 2:3

Vino cheye chizasulupukaze, one hachiugesa ulopozi uno mkulu? Teng'hu Mndewa mwenyewo kaugong'onda ukombola uno, na wose wowamuhulike wachilongela kuwa ni kweli.

Kumbukumbu 4:23

Muiteganye muladi sekemuzimize lagano dimuikile na Mndewa Mulungu, Mulungu wenu. Zindilileni lagilizo jake na sekemuitendele nyang'hiti,

Yakobo 2:22

Vino hamudaha bule kulola? Uhuwilo wake na sang'hano zake vitenda usang'hano hamwe, uhuwilo ugangamizigwa kwa sang'hano zake.

Kumbukumbu 31:19

“Lelo, yandika wila uno na uwafunze Waisilaili, muladi uwe ukalangama wangu kumwawo.

Luka 8:18

“Muiteganye kwa yaja yomuhulika, kwaviya munhu yeli na chinhu kezakongezeligwa, na munhu yelibule chinhu mbali kagesa kana chinhu, kezahokigwa hata chiya chidodo choyogesa kuwa kanacho.”

Kumbukumbu 4:15

“Sekemuzimize kuwa Mndewa Mulungu viyalongile na mweye kuja kuna umulima wa Holebu hagati ya moto, hamumuwone viyeli. Ivo muiteganye ng'hani.

Kulawa 10:2

Nitenda vino muladi muwasimulile wanenu na wazukulu zenu, viya viniwatendile Wamisili kuwa wabozi kwa kutenda mauzauza kumwawo, ivo mwizavimanya kuwa niye iyo Mndewa Mulungu.”

Kulawa 23:13

“Tegeleza chila chinhu chonikulongela. Sekeuyatambule mazina ya milungu imwenga hata chidogo, mazina yayo sekeyahulikike muna umulomo wako.

Kumbukumbu 4:10

kusonhela siku ija imwimile haulongozi wa Mndewa Mulungu, Mulungu wenu, kuja Holebu voyanilongele, ‘Waduganye wanhu wawo haulongozi hangu, niwalongele mbuli zangu muladi waifunze kunidumba niye siku zose za ugima wawo na kuwafunza wana wawo kutenda ivo.’

Kumbukumbu 6:2

Siku zose za ugima wenu, molondeka mumdumbe Mndewa Mulungu, Mulungu wenu, mweye na welesi wenu, kwa kuzindilila malagilizo yake yose na ndagilizi zake zose zonimwing'hani, muladi mukale siku nyingi.

Kumbukumbu 6:12

sekemumzimize Mndewa Mulungu yoyamulavileni kuna iisi ya Misili komukalile watumwa.

Kumbukumbu 6:20

“Hamwande wanenu wahamuuzani, ‘Ndagilizi na malagilizo voyamulagilizileni Mndewa Mulungu muvitende fambulo jake choni?’

Kumbukumbu 8:11

“Muiteganye sekemumzimize Mndewa Mulungu, Mulungu wenu, kwa kuleka kuzindilila malagilizo yake na ndagilizi zake zonimwing'hani diyelo.

Kumbukumbu 8:14

sekemuigode na kumzimiza Mndewa Mulungu, Mulungu wenu, yoyamulavileni kuna iisi ya Misili, komukalile watumwa.

Kumbukumbu 12:1

“Zino ni ndagilizi na malagilizo yomulondeka kuzizindilila muna iisi iyamwing'hileni Mndewa Mulungu, Mulungu wa wasaho zenu, yoyamwing'hileni mukale siku zose za ugima wenu.

Kumbukumbu 16:3

Sekemuje nhambiko iyo hamwe na magate yagumigwe lusu. Kwa siku saba mwizakuja magate hayagumigwe lusu nayo ni magate ya magayo, kwaviya mulawa muna iisi ya Misili himahima. Ivo lusita lose londamukale mwizakumbuka siku ija yomulawile muna iisi ya Misili.

Kumbukumbu 17:19

Chitabu icho kezakuwa nacho na kezachisoma siku zose za ugima wake, muladi yaifunze kumdumba Mndewa Mulungu, Mulungu wake. Yazindilile na kutenda mbuli zose za lagilizo dino na ndagilizi zino,