Kumbukumbu 4:21 - Biblia Ching'hwele

²¹ Kwa ichimu chenu Mndewa Mulungu, Mulungu wenu, kanihila na kailaha kuwa sizaloka ulwanda lwa Yoludani kwingila muna iisi inogile iyomwing'hani.

Kumbukumbu 4:21 Referans Kwoze

Kumbukumbu 1:37

Mndewa Mulungu kaniwonela ludoko na niye iviya kwa ichimu chenu, kalonga, ‘Hata weye hwizakwingila muna iisi iyo.

Peta 20:12

Mbali Mndewa Mulungu kawalongela Musa na Haluni, “Kwaviya hamunihuwile hebu hamuning'hile hishima haulongozi wa Waisilaili, basi kwa ichimu icho hamwizawengiza wanhu wano muna iisi yoniweng'hile.”

Kumbukumbu 31:2

“Nina miyaka gana na malongo maidi na sidaha kutenda usang'hano. Mndewa Mulungu kanilongela, ‘Hwizaloka lwanda lwa Yoludani.’

Kumbukumbu 3:26

“Mbali Mndewa Mulungu kaniwonela ludoko kwa ichimu chenu. Kalema kunitegeleza na kanilongela, ‘Yofaya! Sekeulonge kaidi mbuli ino.

Kumbukumbu 12:9

kwaviya mung'hali hamunakwingila hanhu ha kuhumula muna iisi yondayamwing'heni Mndewa Mulungu, Mulungu wenu.

Kumbukumbu 15:4

“Mndewa Mulungu, Mulungu wenu, kezamtemelani mate muna iisi iyomwing'hani iwe yenu. Habule hata munhu imwe yondayawe ngayengaye,

Kumbukumbu 19:3

Mwizatenda makumba muna yamabululu yayo na kuigola vihande vitatu isi yondayamwing'heni Mndewa Mulungu, Mulungu wenu, muladi chila munhu yondayakome munhu yadahe kukimbilila uko.

Kumbukumbu 19:10

Tendeni vino muladi munhu yelibule ubananzi sekeyakomigwe muna iisi ija Mndewa Mulungu, Mulungu wenu yondayamwing'heni kuwa yenu, muladi sekemuwe na ubananzi wa kukoma.

Kumbukumbu 20:16

“Mbali vondamupate yamabululu muna iisi iyomwing'hani Mndewa Mulungu, Mulungu wenu muihazi, sekemusigaze chinhu chili na ugima chochose.

Kumbukumbu 21:23

mtufi wake sekeulekigwe uchanyha ya mbiki ichilo chose. Molondeka muuwande siku iyo iyo, kwaviya munhu yatumbikigwe muna umbiki kaduwiligwa na Mulungu. Sekemuitende isi iyomwing'hani muihazi Mndewa Mulungu, Mulungu wenu, yambule mwiko.

Kumbukumbu 24:4

basi mulume ija wa mwanduso halondeka kaidi kumbwelela muke iyo, kwaviya kambula mwiko kamala. Kutenda ivo ni kumtibusa Mndewa Mulungu, Mulungu wenu. Ivo sekeuwatende wanhu wahasanye muna iisi ija iwokwing'higwa na Mndewa Mulungu, Mulungu wako uihazi.

Kumbukumbu 26:1

“Vondamwingile muna iisi iyomwing'hani Mndewa Mulungu, Mulungu wenu kuwa yenu na kukala umo,