Kumbukumbu 4:10 - Biblia Ching'hwele

¹⁰ kusonhela siku ija imwimile haulongozi wa Mndewa Mulungu, Mulungu wenu, kuja Holebu voyanilongele, ‘Waduganye wanhu wawo haulongozi hangu, niwalongele mbuli zangu muladi waifunze kunidumba niye siku zose za ugima wawo na kuwafunza wana wawo kutenda ivo.’

Kumbukumbu 4:10 Referans Kwoze

Kulawa 19:9

Mndewa Mulungu kamulongela Musa, “Nizakwiza muna diwingu dizamile, muladi wanhu wahulike vinilonga na weye na wezakuhuwila siku zose. “Musa kamulongela Mndewa Mulungu chiwalongile wanhu wawo.”

Kumbukumbu 17:19

Chitabu icho kezakuwa nacho na kezachisoma siku zose za ugima wake, muladi yaifunze kumdumba Mndewa Mulungu, Mulungu wake. Yazindilile na kutenda mbuli zose za lagilizo dino na ndagilizi zino,

Kumbukumbu 5:2

Mndewa Mulungu, Mulungu wetu, katenda lagano na cheye kuna umulima wa Holebu.

Kulawa 20:20

Musa kawalongela, “Sekemudumbe, Mulungu keza kumgezani muladi kumtendani mumdumbe na sekemutende uhasanyi.”

Kulawa 20:18

“Wanhu viwahulike mibumo na dizi da mhalati na kuwona ng'huwa na yosi kuna mulima, wagudemeka kwa kudumba na wema kutali.”

Kulawa 19:16

Siku yetatu imitondo uchanyha ya mulima kulawilila mibumo na mimwemwe na wingu dizamile. Iviya dihulikika dizi da mhalati dodiwagudemeze wanhu wose wa kuna dilago.

Lugubulo 19:5

Maabaho dizi dilawa muna ichigoda cha chifalume, dilonga, “Mweye wasang'hani wose wa Mulungu, mweye womumtegeleza yeye, wohishimigwa na hawahishimigwa, mwing'heni nhogolwa.”

Waebulaniya 12:25

Kwa ivo iteganyeni sekemwize kulema kumtegeleza iyo yolonga na mweye. Fana wanhu waja walemile kumtegeleza ija yowazuma hano mwiisi hawahonyokwe bule, vino cheye chizadahaze kuhonyokwa one hachimtegeleza ija yochizuma kulawa kuulanga?

Luka 1:50

Kusongela ulelwa uno na kugendelela kowalagusa ubazi waja wowondumba.

Kumbukumbu 14:23

Maabaho hiteni hanhu ha kutambikila hoyahasagule Mndewa Mulungu, Mulungu wenu, na muhawa haulongozi hake mwizakuja zaka ya mhule zenu ya divai yenu na ya mavuta na ya waudele wa mabumbila ya wanyama wenu. Tendeni ivo muladi muifunze kumdumba Mndewa Mulungu, Mulungu wenu siku zose.

Kumbukumbu 5:29

One wawile na magesa fana yano siku zose, wanidumbe na kuzindilila malagilizo yangu! Mbuli zawo zose zihagendelele vinogile siku zose, wawo na welesi wawo.

Kulawa 19:1

Siku ya mwanduso ya mwezi wetatu Waisilaili viwalawile muna iisi ya Misili, wafika kuna ichuwala cha Sinai.

Kumbukumbu 4:9

Mbali muiteganye ng'hani muladi sekemuzimize mbuli ziya zimuziwone kwa meso yenu wenyewo. Mbuli zino sekezilawe muna imizoyo yenu siku zose za ugima wenu. Wasimulileni wanenu na wazukulu zenu,

Kumbukumbu 11:19

Wafunzeni wanenu mbuli zino, muzilonge vomukala muna zikaye zenu na vomugenda na vomugona na vomulamka.

Kumbukumbu 12:1

“Zino ni ndagilizi na malagilizo yomulondeka kuzizindilila muna iisi iyamwing'hileni Mndewa Mulungu, Mulungu wa wasaho zenu, yoyamwing'hileni mukale siku zose za ugima wenu.

Mwanduso 18:19

Nimsagula yeye muladi yawafundize wanage na waja wokala muna ikaye yake kusondelela nzila ya Mndewa Mulungu kwa kutenda yanogile haulongozi wangu. Na niye nizamtendela Bulahimu chiya chonimulaganile.”

Kulawa 19:11

na waisasale kwa chisindo, mana siku iyo yetatu niye Mndewa Mulungu nizahumuluka kulawa uchanyha ya mulima wa Sinai haulongozi ha wanhu wose.

Kumbukumbu 6:2

Siku zose za ugima wenu, molondeka mumdumbe Mndewa Mulungu, Mulungu wenu, mweye na welesi wenu, kwa kuzindilila malagilizo yake yose na ndagilizi zake zose zonimwing'hani, muladi mukale siku nyingi.

Kumbukumbu 6:7

na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka.