Kumbukumbu 2:4 - Biblia Ching'hwele

⁴ Mndewa Mulungu kanilongela nimwing'heni malagilizo yano, ‘Mwahabehi kufosa muna iisi ili kuna imilima ya Seili, isi ya wakaya wayenu, weli welesi wa Esau. Wawo wezawadumbeni, mbali muiteganye ng'hani.

Kumbukumbu 2:4 Referans Kwoze

Kumbukumbu 23:7

“Sekemuwehile Waedomu, kwaviya wawo ni wakaya wayenu Waisilaili. Iviya sekemuwehile Wamisili, kwaviya mukala kuna iisi yawo fana nyambenyambe.

Kulawa 15:15

Walangulizi wa Edomu wadumba, walangulizi wa Moabu wagudemeka kwa kudumba, wanhu wose wokala Kanaani mizoyo yawo imong'honyoka.

Wakolosai 4:5

Muwe wabala muna ukukala na wanhu weli si wahuwila wa Chilisito, sang'hanileni vinogile lusita lumwili nawo.

Wafilipi 2:15

Mbali muwe wanhu wanogile mulibule uhasanyi fana wana wa Mulungu welibule ubanazi wokala muna isi ihile na yagile. Mwizabung'huka hagati yawo fana nhondo vizimwemwesa ulanga.

Waefeso 5:15

Ivo mulole ng'hani vomukala. Sekemukale fana wabozi, mbali mukale fana wanhu wabala.

Luka 12:15

Maabaho Yesu kalulongela lung'husesa, “Iteganyeni na ugila, kwaviya ugima wa munhu hauli muna ivinhu viyeli navo!”

Masayo 5:16

Iviya na mweye bung'hulo jenu dimuli najo haulongozi ha wanhu, nawo waziwone sang'hano zenu muladi wamwing'he ukulu Tati yenu yeli kuulanga.

Mwanduso 25:23

Mndewa Mulungu kamulongela Lebeka, “Muinda yako muna makabila maidi, Makabila maidi yondayelekigwe na weye yezaigola. Dimwe dizakuwa na nguvu kufosa dimwenga; Imkulu kezamsang'hanila imdodo.”

Mwanduso 36:8

Esau kakala muna iisi ya mulima wa Seili, zina dimwenga da Esau ni Edomu.

Kulawa 15:16

Wapatigwa na lugano na ludumbo. Kwa ichimu cha ukulu wa nguvu zako, wanyamala hupi fana dibwe. Mbaka wanhu wako weye Mndewa Mulungu wafose, mbaka vondawafose wanhu wako wouwakombole.

Kumbukumbu 2:3

‘Muzunguluka mulima uno va kufaya, lelo hindukeni ubanzi wa kasikazi.’