Kumbukumbu 12:7 - Biblia Ching'hwele

⁷ Uko mwizakuja haulongozi ha Mndewa Mulungu, Mulungu wenu, mweye na wanhu weli muna zikaye zenu, mwizadeng'helela chila chinhu chomupata kwa sang'hano zenu, kwaviya Mndewa Mulungu, Mulungu wenu kamtemelani mate.

Kumbukumbu 12:7 Referans Kwoze

Kumbukumbu 12:18

Mweye na wanenu hamwe na wasang'hani wenu na Walawi wowokala muna yamabululu yenu, mwizakuja haulongozi ha Mndewa Mulungu, Mulungu wenu, hanhu ha kutambikila hohayasagule Mndewa Mulungu, Mulungu wenu. Uko mwizadeng'helela chila chinhu chomupata kwa sang'hano zenu.

Kumbukumbu 14:26

Sang'hanileni hela izo kwa kugula chochose chomulonda, nyama ya ng'ombe hebu nyama ya ng'hondolo hebu ching'waji chikola, mwizakuja haulongozi ha Mndewa Mulungu, Mulungu wenu, hamwe na wanhu wa muna zikaye zenu.

Walawi 23:40

Muna isiku ya mwanduso mwizasola matunda ya mibiki inogile na matambi ya mitende na matambi yeli na mayani mengi na matambi ya mibiki yoikota mumgwazo ya lwanda. Mwizatenda dugila haulongozi ha Mndewa Mulungu, Mulungu wenu kwa siku saba.

Kumbukumbu 12:12

Uko mwizadeng'helela haulongozi ha Mndewa Mulungu, mweye hamwe na wanenu wa chilume na wa chike, wasang'hani wenu wa chilume na wa chike na Walawi wowokala kumwenu, kwaviya Walawi wabule hanhu hebu uhazi.

Wafilipi 4:4

Siku zose deng'heleleni kwa kuilumba na Mndewa. Nolonga kaidi, deng'heleleni!

Kumbukumbu 27:7

Mwizamulavila nhambiko za tindiwalo na mwizazidila uko na kudeng'helela haulongozi ha Mndewa Mulungu, Mulungu wenu.

Kumbukumbu 15:20

Chila mwaka weye na wanhu wa muna ikaye yako mwizakuja wanyama wawo haulongozi ha Mndewa Mulungu, Mulungu wenu, hanhu hondayahasagule Mndewa Mulungu.

Kumbukumbu 14:23

Maabaho hiteni hanhu ha kutambikila hoyahasagule Mndewa Mulungu, Mulungu wenu, na muhawa haulongozi hake mwizakuja zaka ya mhule zenu ya divai yenu na ya mavuta na ya waudele wa mabumbila ya wanyama wenu. Tendeni ivo muladi muifunze kumdumba Mndewa Mulungu, Mulungu wenu siku zose.

Sang'hano 2:46

Chila siku kwa moyo umwe wagendelela kuiting'hana hamwe muna Ikaye ya Mulungu, waja ndiya hamwe muna zikaye zawo na wadeng'helela ndiya ya Mndewa.

Kumbukumbu 26:11

Deng'heleleni vinhu vose vinogile Mndewa Mulungu, Mulungu wenu viyamwing'hileni mweye na kaye zenu, mweye na Walawi na nyambenyambe wowokala kumwenu.

Kumbukumbu 12:8

“Sekemutende fana vimukalile mutenda mbaka sambi, yani chila munhu kakala kotenda fana viyolonda mwenyewo,

Kumbukumbu 28:47

Mndewa Mulungu, Mulungu wenu, kamtemelani mate kwa chila nzila, mbali mweye hamumsang'hanila kwa deng'ho na kwa moyo ugoloke.