Kumbukumbu 12:5 - Biblia Ching'hwele

⁵ Mwizahita hanhu haja Mndewa Mulungu, Mulungu wenu hondayasagule muna yamakabila yose muladi yadike zina jake na ukazi wake uko, uko niuko kondamuhite.

Kumbukumbu 12:5 Referans Kwoze

Kumbukumbu 12:11

Maabaho muna iisi yondayasagule Mndewa Mulungu, Mulungu wenu muladi zina jake dikale, uko niuko kondamugale chila chinhu chonimulagilizeni. Nhambiko zenu za kutimbula na nhambiko zenu zimwenga na zaka zenu na vinhu vovilavigwa na nhambiko za vilaho venu.

Kumbukumbu 26:2

soleni vinhu venu va mwanduso kugobola muna iisi iyomwing'hani Mndewa Mulungu, Mulungu wenu, na muvigume muna ichisege na kuvigala hanhu haja hondayahasagule Mndewa Mulungu, Mulungu wenu hawe ukazi wake.

Kumbukumbu 16:2

Mulavileni nhambiko ya Pasaka Mndewa Mulungu, Mulungu wenu, kulawa muna yamabumbila ya wanyama wenu, ng'ombe hebu ng'hondolo, hanhu ha kumtambikila hondayahasagule Mndewa Mulungu.

Kumbukumbu 12:13

Muiteganye sekemulave nhambiko zenu za kutimbula chila hanhu homuhawona,

Wakolosai 2:9

Kwaviya ulungu wose wa Mulungu wa mgati ya Chilisito muna unhu lwake,

Waebulaniya 12:22

Mbali mweye mufika kuna ulugongo lwa Sayuni na kuna dibululu da Mulungu yeli mgima, Yelusalemu ya kuulanga, hamwe na wasenga wa kuulanga hawapeteka, wowoiting'hane kwa deng'ho.

Peta 7:89

Musa viyengile muna dihema da Mulungu kulonga na Mndewa Mulungu, kahulika dizi dolonga na yeye kulawa hagati ya vilumbe waidi walingile fana wasenga wa kuulanga, uchanyha ya ngubiko ya kuilumba hana disanduku da lagano, na kalonga nayo.

Kulawa 25:22

Nizaiting'hana na weye baho, kulawa hachanyha ya ngubiko iyo, hagati ya vilumbe wawo waidi weli mchanyha ya sanduku da lagano, nizakwing'ha malagilizo yangu kwa ichimu cha wanhu wa Isilaili.

Kulawa 15:2

Mndewa Mulungu ni mgombezi wangu na chimu cha wila wangu, yeye iyo yonikombola. Yeye ni Mulungu wangu, niye nizamtogoza, Mulungu wa tati yangu, nizamtunhiza.

Lugubulo 14:1

Maabaho nilola, kukala na Mwanang'hondolo yemile muna Ulugongo lwa Sayuni kakala na wanhu laki imwe na alufu malongo mane, wene zina jake na zina da Tati yake jandikigwa muna ivihanga vawo.

Kulawa 20:24

Munhendele lupango lwa ulongo na mulave nhambiko zenu za wanyama, fana viya nhambiko ya tindiwalo na nhambiko ya kutimbula. Chila hanhu hondaniwakumbuse wanhu zina jangu, nizamwizilani na kumtemelani mate.

Kumbukumbu 12:4

“Sekemumtosele Mndewa Mulungu, Mulungu wenu fana wawo viwotosela milungu yawo.

Kumbukumbu 12:18

Mweye na wanenu hamwe na wasang'hani wenu na Walawi wowokala muna yamabululu yenu, mwizakuja haulongozi ha Mndewa Mulungu, Mulungu wenu, hanhu ha kutambikila hohayasagule Mndewa Mulungu, Mulungu wenu. Uko mwizadeng'helela chila chinhu chomupata kwa sang'hano zenu.

Kumbukumbu 14:23

Maabaho hiteni hanhu ha kutambikila hoyahasagule Mndewa Mulungu, Mulungu wenu, na muhawa haulongozi hake mwizakuja zaka ya mhule zenu ya divai yenu na ya mavuta na ya waudele wa mabumbila ya wanyama wenu. Tendeni ivo muladi muifunze kumdumba Mndewa Mulungu, Mulungu wenu siku zose.

Kumbukumbu 14:24

One hanhu baho hahawa kutali kwaviya Mndewa Mulungu, Mulungu wenu kahasagula hanhu ha kumtambikila yeye heli kutali na ukaye, mweye hamudaha kupapa zaka za vinhu venu voyamwing'hileni Mndewa Mulungu, Mulungu wenu, tendeni vino,

Kumbukumbu 15:20

Chila mwaka weye na wanhu wa muna ikaye yako mwizakuja wanyama wawo haulongozi ha Mndewa Mulungu, Mulungu wenu, hanhu hondayahasagule Mndewa Mulungu.

Kumbukumbu 16:6

Mbali mwizachinjila hanhu ha kumtambikila hondayahasagule Mndewa Mulungu, Mulungu wenu. Baho mwizachinja nhambiko ya Pasaka nguku zikwingila kwa lusita luja luja lumulawile muna iisi ya Misili.

Kumbukumbu 17:8

“One wasemi wahapotwa kuhumiza mbuli ndala muna yamabululu yenu, fana viya mbuli ya kukoma bila kuilunga hebu mbuli ya kuibishila hebu mbuli ya kumulumiza imwenga, maabaho mwizasegela na kuhita hanhu hondayahasagule Mndewa Mulungu, Mulungu wenu.

Kumbukumbu 31:11

Waisilaili wose vondaweze haulongozi wa Mndewa Mulungu, Mulungu wenu, hanhu hondayahasagule, molondeka muwasomele malagilizo yano.

Walawi 17:4

bila kumgala mnyama iyo hana ihanhu ha kwingilila muna dihema da Mulungu muladi kumulavila Mndewa Mulungu. Munhu iyo kokuwa kabananga kwa kwiitila damu, ketila damu na kezabaguligwa mwa wanhu wake.

Kumbukumbu 16:7

Mwizayambika nyama iyo na kuidila hanhu haja ha kumtambikila hondayahasagule Mndewa Mulungu, Mulungu wenu. Maabaho igolo yake imitondo mwizabwela muna yamahema yenu.

Kumbukumbu 16:11

Mwizadeng'helela haulongozi ha Mndewa Mulungu, Mulungu wenu, mweye hamwe na wanenu wa chilume na wa chike na wasang'hani wenu na Walawi na nyambenyambe na wachiwa na wagane wowokala hamwe na mweye. Tendeni yano hanhu haja ha kumtambikila hondayahasagule Mndewa Mulungu, Mulungu wenu.

Kumbukumbu 16:15

Kwa siku saba mwizamtendela dugila Mndewa Mulungu, Mulungu wenu, hanhu hondayahasagule, kwaviya Mndewa Mulungu, Mulungu wenu kezamtemelani mate kwa vinhu venu vimuhandile na sang'hano zenu zomusang'hana. Ivo mwizadeng'helela ng'hani.

Kumbukumbu 18:6

“One Mulawi yoyose yolawa muna dibululu dimwe mwa mabululu ya Isilaili koyakalile, yaheza kwa kulonda mwenyewo hanhu hondayahasagule Mndewa Mulungu,