Kumbukumbu 11:1 - Biblia Ching'hwele

¹ “Mulondeni Mndewa Mulungu, Mulungu wenu na muzindilile malagilizo na ndagilizi zake siku zose.

Kumbukumbu 11:1 Referans Kwoze

Kumbukumbu 6:5

Mulondeni Mndewa Mulungu, Mulungu wenu, kwa mizoyo yenu yose na kwa mihe yenu yose na kwa nguvu zenu zose.

Kumbukumbu 10:12

“Mweye Waisilaili tegelezeni chiya chiyolonda Mndewa Mulungu, Mulungu wenu, mumdumbe na musondelele nzila zake zose na mumulonde na mumsang'hanile Mndewa Mulungu, Mulungu wenu, kwa mizoyo yenu yose na kwa mihe yenu yose,

Walawi 8:35

Mukale hana ihanhu ha kwingilila muna dihema da Mulungu ichilo na imisi kwa siku saba, muhatenda mbuli ziyalagilize Mndewa Mulungu, one siivo mwizadanganika. Vino ivo Mndewa Mulungu viyanilagilize.”

Kumbukumbu 6:1

“Zino ni ndagilizi na malagilizo yaja Mndewa Mulungu, Mulungu wenu kanilagiliza nimfunzeni, muladi muyazindilile vondamwingile muna iisi yondamuisole.

Kumbukumbu 4:40

Zindilileni ndagilizi na malagilizo yake yose yonimwing'hileni diyelo, muladi mutemeligwe mate hamwe na welesi wenu na mugendelele kukala muna iisi iyomwing'hani Mndewa Mulungu, Mulungu wenu iwe yenu siku zose.”

Kumbukumbu 4:5

“Nimfunzani ndagilizi na malagilizo, fana viya Mndewa Mulungu, Mulungu wangu viyanilagilize nitende, muladi muyazindilile muna iisi iyomtendani Mulungu muisole.

Kumbukumbu 4:1

Maabaho Musa kawalongela Waisilaili, “Zindilileni ndagilizi na malagilizo yonimfunzani, muladi mukale na kuisola isi ija iyomwing'heni Mndewa Mulungu, Mulungu wa wasaho zenu.

Walawi 18:30

Ivo yamheni chigangamavu yose yonimulagilizeni, sekemutende chihendo chochose cha kutibusa chochitendigwe na waja wamulongoleleni kukala muna iisi ija. Sekemwambule mwiko kwa mbuli izo. Niye niiyo Mndewa Mulungu, Mulungu wenu.”

Walawi 22:9

“ ‘Wakulu wa nhambiko wose wolondeka wazindilile malagilizo yangu, muladi sekewatende uhasanyi na kukomigwa kwa kuzeha malagilizo. Niye niiyo Mndewa Mulungu yoniwatenda wele.

Kumbukumbu 5:29

One wawile na magesa fana yano siku zose, wanidumbe na kuzindilila malagilizo yangu! Mbuli zawo zose zihagendelele vinogile siku zose, wawo na welesi wawo.

Kumbukumbu 11:13

“One muhazindilila malagilizo yose yonimwing'hileni diyelo, kumulonda Mndewa Mulungu, Mulungu wenu na kumsang'hanila kwa mizoyo yenu yose na kwa mihe yenu yose,

Kumbukumbu 11:22

“One muhazindilila malagilizo yano yose yonimulagilizileni, kumulonda Mndewa Mulungu, Mulungu wenu na kusondelela nzila zake zose na kuilumba nayo,

Kumbukumbu 5:1

Musa kawatanga hamwe Waisilaili na kawalongela, “Tegelezeni mweye Waisilaili, tegelezeni ndagilizi na malagilizo yose yonimwing'hani diyelo. Ifunzeni na muzindilile.

Kumbukumbu 13:4

Msondeleleni Mndewa Mulungu, Mulungu wenu na mumdumbe yeye na muhulikeni na muzindilile malagilizo yake, mtambikileni na muilumbe nayo.

Kumbukumbu 27:10

Mtegelezeni Mndewa Mulungu, Mulungu wenu na muzindilile ndagilizi zake na malagilizo yake yose yonimulagilizani diyelo.”

Kumbukumbu 30:6

Mndewa Mulungu, Mulungu wenu, kezaisafya mizoyo yenu na mizoyo ya wanenu, muladi mumulonde yeye, kwa mizoyo yenu yose na kwa mihe yenu yose, muladi mukale.