Kumbukumbu 10:5 - Biblia Ching'hwele

⁵ Nihinduka na nihulumuka kulawa kuna umulima. Maabaho fana viyanilagilize Mndewa Mulungu, nika vibawo ivo muna disanduku dinitendile, navo vamgati ya sanduku ijo.”

Kumbukumbu 10:5 Referans Kwoze

Kulawa 40:20

Maabaho kasola vibawo viya vidi na kuvika hana disanduku diya da ukalangama. Kaifoseza imibiki ija hana zimhete za sanduku na keka ngubiko ya kuilumba uchanyha yake.

Kulawa 34:29

Musa viyahumuluke kuna mulima wa Sinai kuno kamha vibawo vidi va ukalangama muna umkono wake vandikigwe mbuli za lagano, havimanyile kuwa chihanga chake chikala chikwaka kwaviya kalonga na Mndewa Mulungu.

Kumbukumbu 10:2

na nizakwandika muna ivibawo ivo chiya chinyandike muna ivibawo viya va ichanduso voubenile, maabaho uvike muna disanduku.’

Kumbukumbu 9:15

“Ivo nihinduka na nihulumuka hasi ya mulima ukalile ukwaka moto, nipapa viya vibawo vidi va mabwe.

Kulawa 32:15

Maabaho Musa kahumuluka kulawa kuna mulima kuno kamha vibawo vidi va mabwe va ukalangama muna yamakono yake, vandikigwe banzi zose.

Kulawa 25:16

Muna disanduku ijo, kwizakwika vibawo va mabwe va ukalangama vondanikwing'he.

Kulawa 25:21

Mgati mudisanduku kwizakwika vibawo vidi va mabwe va ukalangama na kuika ngubiko iyo uchanyha yake.

Kulawa 34:28

Musa kakala kuja na Mndewa Mulungu kwa siku malongo mane, imisi na ichilo, hadile chinhu hebu hang'wile mazi. Kandika muna ivibawo mbuli za lagano na ndagilizi longo.