Kumbukumbu 10:12 - Biblia Ching'hwele

¹² “Mweye Waisilaili tegelezeni chiya chiyolonda Mndewa Mulungu, Mulungu wenu, mumdumbe na musondelele nzila zake zose na mumulonde na mumsang'hanile Mndewa Mulungu, Mulungu wenu, kwa mizoyo yenu yose na kwa mihe yenu yose,

Kumbukumbu 10:12 Referans Kwoze

Kumbukumbu 6:5

Mulondeni Mndewa Mulungu, Mulungu wenu, kwa mizoyo yenu yose na kwa mihe yenu yose na kwa nguvu zenu zose.

Luka 10:27

Munhu ija kamwidika, “Mulonde Mndewa Mulungu wako kwa moyo wako wose na kwa muhe wako wose na kwa ludabwa lwawo lose, na kwa nzewele zako zose. Mulonde mkaya miyago fana vouilonda mwenyewo.”

Kumbukumbu 5:33

Zindilileni malagilizo yose yoyamulagilizileni Mndewa Mulungu, Mulungu wenu, muladi mbuli zenu zigendelele vinogile na mukale siku nyingi muna iisi yondamwing'higwe iwe yenu.

Kumbukumbu 11:13

“One muhazindilila malagilizo yose yonimwing'hileni diyelo, kumulonda Mndewa Mulungu, Mulungu wenu na kumsang'hanila kwa mizoyo yenu yose na kwa mihe yenu yose,

Masayo 22:37

Yesu kamwidika, “ ‘Mulonde Mndewa Mulungu wako kwa moyo wako wose, na kwa muhe wako wose, na kwa nzewele zako zose.’

Kumbukumbu 4:29

Maabaho kulawa muna iisi iyo mwizamzahila Mndewa Mulungu, Mulungu wenu, mweye mwizampata one muhamzahila kwa mizoyo yenu yose na mihe yenu yose.

Waebulaniya 12:28

Kwa ivo cheye chotogoligwa kuhokela ufalume haudaha kutingisigwa bule, chiwe wanhu wa kumwing'ha hewela Mulungu. Chilaguse hewela fana voilondeka kwa hishima ng'hani,

Kumbukumbu 30:20

Mulondeni Mndewa Mulungu, Mulungu wenu, mumtegeleze na mumuhuwile yeye, maabaho mweye na wanenu mwizakala siku nyingi muna iisi ija iwalaganiligwe wasaho zenu, Bulahimu na Isaka na Yakobo.”

Kumbukumbu 30:16

One muhazindilila malagilizo ya Mndewa Mulungu, Mulungu wenu yonimwing'hani diyelo, muhamulonda Mndewa Mulungu, Mulungu wenu na kusondelela nzila zake na kuzindilila ndagilizi zake na malagilizo yake, mwizakala na kongezeka. Nayo Mndewa Mulungu, Mulungu wenu kezamtemelani mate muna iisi imuhita kuisola.

1 Yohana 5:5

Vino yelihi yodaha kuzihuma mbuli zihile za zisi zose? Munhu ija yohuwila kuwa Yesu ni Mwana wa Mulungu.

1 Yohana 2:15

Sekemuilonde zisi zose hebu vinhu vili muna isi. One munhu yahailonda zisi zose, ulondo wa Tata wamwabule mgati yake.

Waloma 8:28

Cheye chovimanya muna ivinhu vose Mulungu kotenda yanogile na wanhu waja wowomnogela, waja woyawatangile fana viyalondile.

Luka 11:42

“Mwizagaya mweye Mafalisayo! Kwaviya mwolava zaka za viungo na mboga fana bwasi na mnavu na chila mboga zimwenga za mayani, mbali mwoleka kutenda yanogile kwa wanhu na kumulonda Mulungu. Mulondeka teng'hu muwe wanhu wene kutenda yanogile haulongozi wa Mulungu, na wowomulonda Mulungu, bila kuleka kulava zaka.

Kumbukumbu 6:13

Mumdumbe Mndewa Mulungu, Mulungu wenu, mtambikileni yeye muhala na muilahe kwa zina jake.

Sang'hano 9:31

Ivo wahuwila wa Chilisto wakala na tindiwalo muna isi yose ya Yudeya na Galilaya na Samaliya. Kwa nhazo ya Muhe Yelile wapata ludabwa lwa kongezeka peta yawo viwagendelele kumuhulika Mndewa.

Waloma 1:9

Nomsang'hanila Mulungu kwa moyo wangu wose kwa kupeta Mbuli Inogile ya mwanage, yeye ni mkalangama wangu viya vinimkumbukani,

1 Timoseyo 1:5

Lungilo da malagilizo yayo ni ulondo woulawa kuna umoyo welile, udahi wa kuvimanya kusagula kutenda yanogile hebu yehile na uhuwilo wa kweli.

Kulawa 23:25

Nisang'hanileni niye Mndewa Mulungu, Mulungu wenu, niye nizamtemelani mate kwa ndiya na mazi na kusegeza mitamu kumwenu.

Kumbukumbu 6:2

Siku zose za ugima wenu, molondeka mumdumbe Mndewa Mulungu, Mulungu wenu, mweye na welesi wenu, kwa kuzindilila malagilizo yake yose na ndagilizi zake zose zonimwing'hani, muladi mukale siku nyingi.

Kumbukumbu 6:24

Maabaho Mndewa Mulungu kachilagiliza chizindilile malagilizo yano yose na kumdumba kwa faida yetu wenyewo, muladi chigendelele kuwa wagima na kukala goya siku zose.

Kumbukumbu 10:11

Maabaho Mndewa Mulungu kanilongela nihite na kumulongozani, muladi mudahe kuisola isi ija yoyawekile chilagano kuweng'ha wasaho zenu.

Kumbukumbu 10:13

na kuzindilila malagilizo na ndagilizi za Mndewa Mulungu zonimwing'hani diyelo kwa faida yenu.

Kumbukumbu 11:1

“Mulondeni Mndewa Mulungu, Mulungu wenu na muzindilile malagilizo na ndagilizi zake siku zose.

Kumbukumbu 5:29

One wawile na magesa fana yano siku zose, wanidumbe na kuzindilila malagilizo yangu! Mbuli zawo zose zihagendelele vinogile siku zose, wawo na welesi wawo.

Kumbukumbu 26:16

“Diyelo Mndewa Mulungu, Mulungu wenu, komulagilizani muzindilile ndagilizi zake na malagilizo yake, molondeka muiteganye mutende yayo kwa mizoyo yenu yose na kwa mihe yenu yose.

Kumbukumbu 27:10

Mtegelezeni Mndewa Mulungu, Mulungu wenu na muzindilile ndagilizi zake na malagilizo yake yose yonimulagilizani diyelo.”