Kumbukumbu 1:8 - Biblia Ching'hwele

⁸ Isi ino yose niye Mndewa Mulungu niilaha kuwa nizaweng'ha wasaho zenu, Bulahimu na Isaka na Yakobo na nyelesi zawo. Hiteni mukaisole.’ ”

Kumbukumbu 1:8 Referans Kwoze

Mwanduso 15:18

Maabaho Mndewa Mulungu katenda chilagano na Abulamu, kalonga, “Nolagana kuweng'ha ino welesi wako wose kusongela lwanda lwa Misili mbaka lwanda lukulu lwa Efulati,

Mwanduso 12:7

Mndewa Mulungu kamulawilila Abulamu na kamulongela, “Ino iyo iisi yondaniweng'he welesi wako.” Maabaho Abulamu kamzengela lupango Mndewa Mulungu, yoyamulawilile.

Mwanduso 15:16

Welesi wako wizabwela hano muna uwelesi wekane, kwaviya uhasanyi wa Waamoli haunakuwa mwingi muladi niwataguse.”

Waebulaniya 6:13

Mulungu viyamulaganile Bulahimu kailaha kwa zina jake mwenyewo, kwaviya habule yeli mkulu kufosa Mulungu yeli kufosela iyo yahadahile kuilaha.

Waebulaniya 6:14

Mulungu kalonga, “Nokulongela, kweli nizakutemela mate na nizakwing'ha welesi mvunyo.”

Kulawa 23:31

“Mhaka za isi yenu zizakuwa kulawa bahali ya Shamu mbaka bahali ya Meditelaniya, na kulawa kuchuwala mbaka lwanda lwa Efulati, mana wakaya wa isi iyo nizawatenda muwahume, na mweye mwizawawinga wasegele kumwenu.

Kulawa 33:1

Mndewa Mulungu kamulongela Musa, “Segeleni hano, weye na wanhu wouwalavile kuna iisi ya Misili, muhite kuna iisi yoniwalahile Bulahimu na Isaka na Yakobo, nilonga, ‘Isi ino nizaweng'ha welesi wenu.’

Peta 14:23

yondayawone isi yoniwalaganile tati zawo. Chila munhu yanizehile hezaiwona.

Peta 32:11

‘Noilaha kuwa habule hata mulume imwe mwa walume waja walawile Misili, kwandusila yeli na miyaka malongo maidi na kugendelela, yondayaiwone isi iyo yoniwalahile Bulahimu na Isaka na Yakobo, kwaviya hawanitegeleze.

Kumbukumbu 1:11

Mndewa Mulungu, Mulungu wa wasaho zenu yamtendeni muwe wengi miyanza elufu kufosa vimwili sambi na kumtemelani mate fana viyalongile!

Kumbukumbu 11:24

Chila hanhu hondamubojoge hezakuwa henu. Isi yenu izakuwa kwandusila kuchuwala, ubanzi wa kusi mbaka milima ya Lebanoni ubanzi wa kasikazi, kulawa lwanda lwa Efulati, ubanzi wa ulawilo wa zuwa mbaka bahali ya Meditelaniya ubanzi wa uswelo wa zuwa.

Kumbukumbu 1:35

‘Habule hata munhu imwe muna uwelesi uno wihile yondayengile muna iisi inogile yoniilahile kuweng'ha wasaho zenu.

Kumbukumbu 2:29

Fana viwachitendele welesi wa Esau wowokala Seili na Wamoabu wowokala Ali, mbaka chiloke lwanda lwa Yoludani chingile muna iisi iyoching'ha Mndewa Mulungu, Mulungu wetu.’

Kumbukumbu 4:1

Maabaho Musa kawalongela Waisilaili, “Zindilileni ndagilizi na malagilizo yonimfunzani, muladi mukale na kuisola isi ija iyomwing'heni Mndewa Mulungu, Mulungu wa wasaho zenu.

Kumbukumbu 6:10

“Fana viya Mndewa Mulungu, Mulungu wenu viyawalahile wasaho zenu, Bulahimu na Isaka na Yakobo, yeye kezamwing'hani isi ili na mabululu makulu na yanogile yaja mweye hamuyazengile bule.

Kumbukumbu 7:8

Mbali kwaviya Mndewa Mulungu komulondani na kolonda kufikiza chilaho chiyailahile na wasaho zenu, lekamana kamkombolani kwa mkono wake uli na udahi na kamtendani muilegehe kulawa muna utumwa wa mfalume wa Misili.

Kumbukumbu 7:12

“One muhategeleza ndagilizi zino na kuyazindilila na kuyatenda, Mndewa Mulungu, Mulungu wenu, kezagendelela kufikiza lagano jake kumwenu, kezamulagusani ulondo wake wa kufunya umoyo, fana viyailagane na wasaho zenu.

Kumbukumbu 7:13

Kezamulondani na kezamtemelani mate na kezamtendani muwe na wana wengi. Kezatemela mate migunda yenu muladi mupate ndiya na divai na mavuta ya mzaituni, kezamtemelani mate kwa kumwing'hani ng'ombe na ng'hondolo wengi muna iisi iyawalaganile wasaho zenu kuwa kezamwing'hani.

Kumbukumbu 8:1

“Zindilileni malagilizo yose yonimwing'hileni diyelo, muladi muwe wagima na kongezeka, mwizakwingila na kuisola isi ija Mndewa Mulungu iyawalaganile kuweng'ha wasaho zenu.

Kumbukumbu 9:5

Si kwaviya mweye munoga na motenda yanogile lekamana Mndewa Mulungu kamulekani muisole isi yawo, mbali kwa ubananzi wa wanhu wawo, Mndewa Mulungu, Mulungu wenu kawawinga haulongozi wenu muladi yaigangamize mbuli ija iyawalahile wasaho zenu Bulahimu na Isaka na Yakobo.

Kumbukumbu 10:11

Maabaho Mndewa Mulungu kanilongela nihite na kumulongozani, muladi mudahe kuisola isi ija yoyawekile chilagano kuweng'ha wasaho zenu.

Kumbukumbu 11:9

na mukale siku nyingi muna iisi ili na ulongo unogile, isi ija Mndewa Mulungu iyawalaganile kuweng'ha wasaho zenu na nyelesi zawo.

Kumbukumbu 26:3

Kwizahita kwa mkulu wa nhambiko yeli muna isang'hano siku iyo na umulongele, ‘Diyelo notogola kwa Mndewa Mulungu, Mulungu wangu kuwa ningila muna iisi ija Mndewa Mulungu iyawalahile wasaho zetu kuching'ha cheye.’

Kumbukumbu 26:15

Lola hasi kulawa hanhu hako helile kuulanga, watemele mate wanhu wako Isilaili na isi ili na ulongo unogile iuching'hile fana viuwalaganile wasaho zetu.’

Kumbukumbu 28:11

Mndewa Mulungu kezamwing'hani wana wengi na ng'ombe wengi na mavuno mengi muna iisi iyawalaganile wasaho zenu kuwa kezamwing'hani.

Kumbukumbu 29:12

Mwima hano diyelo muladi kutenda lagano diya doyailahile Mndewa Mulungu, Mulungu wenu,

Kumbukumbu 30:20

Mulondeni Mndewa Mulungu, Mulungu wenu, mumtegeleze na mumuhuwile yeye, maabaho mweye na wanenu mwizakala siku nyingi muna iisi ija iwalaganiligwe wasaho zenu, Bulahimu na Isaka na Yakobo.”

Kumbukumbu 31:7

Maabaho Musa kamtanga Yoshua na kamulongela haulongozi ha Waisilaili wose, “Wime chigangamavu na uwe galu, mana weye kwizawalanguliza wanhu wano kuhita kuna iisi ija Mndewa Mulungu iyawalaganile wasaho zawo, weye kwizaweng'ha waihazi.

Kumbukumbu 34:4

Maabaho Mndewa Mulungu kamulongela Musa, “Ino iyo isi yoniwalahile Bulahimu na Isaka na Yakobo, vinilongile, ‘Nizaweng'ha isi ino welesi wenu.’ Nikuleka uwone kwa meso yako, mbali hwizaloka kuhita uko.”