Kumbukumbu 1:7 - Biblia Ching'hwele

⁷ Lelo hindukeni mugendelele na mwanza, hiteni kuna iisi ya milima ya Waamoli na kolongo da Yoludani, kuna imilima na mabawe, uko ubanzi wa kusi na mhwani. Hiteni kuna iisi ya Kanaani na Lebanoni mbaka kuna ulwanda ulukulu lwa Efulati.

Kumbukumbu 1:7 Referans Kwoze

Kumbukumbu 11:24

Chila hanhu hondamubojoge hezakuwa henu. Isi yenu izakuwa kwandusila kuchuwala, ubanzi wa kusi mbaka milima ya Lebanoni ubanzi wa kasikazi, kulawa lwanda lwa Efulati, ubanzi wa ulawilo wa zuwa mbaka bahali ya Meditelaniya ubanzi wa uswelo wa zuwa.

Kumbukumbu 11:11

Mbali isi yomuhita kuisola ni isi ya milima na makolongo, yopata mazi ya mvula kulawa kuulanga.

Kulawa 23:31

“Mhaka za isi yenu zizakuwa kulawa bahali ya Shamu mbaka bahali ya Meditelaniya, na kulawa kuchuwala mbaka lwanda lwa Efulati, mana wakaya wa isi iyo nizawatenda muwahume, na mweye mwizawawinga wasegele kumwenu.

Lugubulo 9:14

Dizi ijo dimulongela msenga wa kuulanga wa sita yeli na mhalati, “Walekelele wasenga wa Lufyende wane wowafungigwe mumgwazo wa lwanda lukulu lwa Efulati.”

Mwanduso 12:9

Maabaho Abulamu kagendelela kulawa hanhu mbaka hanhu ubanzi wa Negebu.

Kumbukumbu 1:19

“Basi fana Mndewa Mulungu, Mulungu wetu viyachilongele, chandusa mwanza kulawa mulima wa Holebu, chifosela muna ichuwala ichikulu cha kudumbiza chomuchimanyile, kwa kusondelela nzila yoihita kuna imilima ya Waamoli. Chifika Kadeshi Balinea.

Peta 10:12

Waisilaili wasegela chuwala cha Sinai, wingu dihumuluka kuna ichuwala cha Palani.