Kulawa 8:6 - Biblia Ching'hwele

⁶ Haluni kagolosa mkono wake muna yamazi yose ya Misili‚ mabula yalawilila na yaigubika isi yose ya Misili.

Kulawa 8:6 Referans Kwoze

Lugubulo 16:13

Maabaho niwona mihe mitatu ifilile ilingile fana mabula, imwe ilawa muna umulomo wa nhulanyika diya na muna umulomo wa ng'onyo dikali diya na imwe ilawa mumulomo wa mulotezi wa uvwizi ija.

Walawi 11:12

Chochose chochikala muna yamazi chilibule mpepe na makalabandu chotibusa kumwenu.

Kulawa 7:19

Mndewa Mulungu kamulongela Musa‚ “Mulongele Haluni yasole mhome yake na kwiigolosa uchanyha ya mazi ya Misili na uchanyha ya nyanda zose na makolongo yose na malamba yose na mazimbu yose, nayo yezakuwa damu. Isi yose izakuwa na damu, hata muna iviya vose va mbawo na mabwe.”

Kulawa 9:14

Mana lelo nogala mahulo yangu yose kumwako na wasang'hani wako na wanhu wako, ivo kwizavimanya kuwa habule yalingile fana niye muna izisi zose.

Kulawa 9:29

Musa kamulongela, “Lusita vondanilawe muna dibululu, nizakwinula makono yangu kuchanyha na kumpula Mndewa Mulungu. Mibumo izaleka, hebu hakwizakuwa na mvula ya mabwe kaidi, muladi uvimanye kuwa zisi zose ni za Mndewa Mulungu.

Kulawa 10:2

Nitenda vino muladi muwasimulile wanenu na wazukulu zenu, viya viniwatendile Wamisili kuwa wabozi kwa kutenda mauzauza kumwawo, ivo mwizavimanya kuwa niye iyo Mndewa Mulungu.”

Kulawa 15:11

“Mndewa Mulungu, muna imilungu yelihi yalingile fana weye? Yelihi yalingile fana weye uli na utunhizo ng'hani, udumbiza kwa sang'hano za utunhizo?

Kumbukumbu 4:35

Mndewa Mulungu kamulagusani mbuli zino muladi muvimanye kuwa Mulungu ni yaidumwe na habule imwenga.

Kumbukumbu 32:31

Mana luwe wawo halingile na nguvu fana Luwe wetu, hata wehi wetu wavimanya.

Kumbukumbu 33:26

“Habule yalingile fana Mulungu wa Isilaili, yokwiza kulawa kuulanga muladi yamtazeni, yofosela uchanyha muna utunhizo wake.