Kulawa 8:10 - Biblia Ching'hwele

¹⁰ Mfalume wa Misili kamwidika, “Igolo.” Musa kamwidika‚ “Nizatenda fana viulongile, muladi uvimanye kuwa habule munhu yoyose yalingile fana Mndewa Mulungu, Mulungu wetu.

Kulawa 8:10 Referans Kwoze

Kumbukumbu 33:26

“Habule yalingile fana Mulungu wa Isilaili, yokwiza kulawa kuulanga muladi yamtazeni, yofosela uchanyha muna utunhizo wake.

Kulawa 9:14

Mana lelo nogala mahulo yangu yose kumwako na wasang'hani wako na wanhu wako, ivo kwizavimanya kuwa habule yalingile fana niye muna izisi zose.

Yakobo 4:14

Mbali hamuvimanyile ugima wenu vondauwe igolo! Mweye mulinga fana kungugu dodilawilila kwa lusita luguhi na kuhalawa.

Kumbukumbu 32:31

Mana luwe wawo halingile na nguvu fana Luwe wetu, hata wehi wetu wavimanya.

Kumbukumbu 4:35

Mndewa Mulungu kamulagusani mbuli zino muladi muvimanye kuwa Mulungu ni yaidumwe na habule imwenga.

Kulawa 15:11

“Mndewa Mulungu, muna imilungu yelihi yalingile fana weye? Yelihi yalingile fana weye uli na utunhizo ng'hani, udumbiza kwa sang'hano za utunhizo?

Kulawa 9:29

Musa kamulongela, “Lusita vondanilawe muna dibululu, nizakwinula makono yangu kuchanyha na kumpula Mndewa Mulungu. Mibumo izaleka, hebu hakwizakuwa na mvula ya mabwe kaidi, muladi uvimanye kuwa zisi zose ni za Mndewa Mulungu.

Kulawa 8:9

Musa kamulongela mfalume wa Misili‚ “Vinoga! Nilongele lusita loulonda nikupulile kwa Mulungu, niwapulile wanhu wako na wasang'hani wako. Nizampula yayadanganize mabula yano yeli muna zikaye zenu, yezasigala muna ulwanda lwa Naili muhala.”

Kumbukumbu 3:24

‘Weye Mndewa Mulungu novimanya kuwa kwandusa kunilagusa niye msang'hani wako ukulu wako na udahi wako. Kwaviya kuna mulungu yelihi uko kuulanga hebu hano hana iisi yodaha kutenda mbuli ng'hulu na za mwazanyo fana zoutendile weye?

Kumbukumbu 4:39

Ivo diyelo mukumbuke kuwa Mndewa Mulungu ni Mulungu wa kuulanga na muna iisi. Habule imwenga.