Kulawa 7:3 - Biblia Ching'hwele

³ Nizautenda moyo wa mfalume wa Misili uwe mdala‚ nizakongeza vilaguso vangu na mauzauza yangu muna iisi ya Misili,

Kulawa 7:3 Referans Kwoze

Kulawa 4:21

Kaidi Mndewa Mulungu kamulongela Musa‚ “Vondaufike Misili utende haulongozi ha mfalume wa Misili mauzauza yose yonikwing'hile udahi wa kuyatenda. Mbali niye nizautenda moyo wa mfalume wa Misili kuwa mdala, nayo hezawalekela Waisilaili wasegele.

Kulawa 11:9

Mndewa Mulungu kamulongela Musa, “mfalume wa Misili hezakutegeleza, muladi mauzauza yangu yongezeke muna iisi ya Misili.”

Waloma 15:19

Kwa ludabwa lwa mauzauza na mawewedeka na kwa ludabwa ya Muhe Yelile. Kwa kugenda kwangu kulawa Yelusalemu mbaka Iluliko, nimala kuigong'onda chila hanhu Mbuli Inogile ya Chilisito.

Sang'hano 7:36

Kawalanguliza waja wanhu walawe Misili kwa kutenda mauzauza mengi, muna isi ya Misili muna Bahali ya Siliya na muna dibwilingu kwa lusita lwa miyaka malongo mane kudibwilingu.

Sang'hano 2:22

“Tegelezeni wanhu wa Isilaeli! Yesu wa Nazaleti kakala munhu yeli na udahi, yoyalagusigwe na Mulungu kumwenu kwa nzila ya mawewedeka na vilaguso na mauzauza yoyatendile Mulungu mgati mmwenu kufosela yeye, fana mweye wenyewo vimmanyile.

Yohana 4:48

Yesu kamulongela, “Kumwenu habule munhu yoyodaha kutogola mbaka yawone vilaguso na mauzauza.”

Kumbukumbu 7:19

Kumbukeni mitamu ihile imuiwonile kwa meso yenu, mauzauza na mawewedeko na nguvu ng'hulu na udahi mkulu, voyavisang'hanile Mndewa Mulungu, Mulungu wenu kumkombolani. Ivo niivo vondayawanange wanhu womuwadumba.

Kumbukumbu 4:34

Vino kuna mulungu imwenga yoyose yagezile kuwasola wanhu kulawa muna iisi imwenga na kuwatenda wawe wake, fana Mndewa Mulungu, Mulungu wenu viyamtendeleni uko Misili? Kasang'hanila udahi wake ng'hulu kugala mahulo na ng'hondo, katenda vilaguso na mauzauza na katenda mbuli za kudumbiza zilawilile.

Kulawa 9:16

Mbali nikuleka uwe mgima muladi kulagusa udahi wangu. Ivo wanhu wa zisi zose wezavimanya kuwa niye iyo yelihi.

Kulawa 4:29

Musa na Haluni wahita Misili na wawaduganya hamwe walala wose wa Isilaili.

Kulawa 4:7

Maabaho Mndewa Mulungu kamulongela‚ “Ika mkono wako muna diwalo kaidi.” Katenda ivo‚ viyaulavile, ukala mgima, fana mbende yake imwenga.

Waloma 9:18

Ivo, Mulungu komuwonela ubazi munhu yoyose yomulonda kumuwonela ubazi na kamtenda kuwa moyo mdala munhu yoyose yoyomulonda.

Kulawa 3:20

Mbali nizasang'hanila nguvu zangu kuwatagusa Wamisili kwa kutenda vinhu va mauzauza haja. Hamwande kezamulekelani muhite.

Kulawa 7:13

Moyo wa mfalume wa Misili ukala ung'hali mdala, halondile kuwategeleza, fana Mndewa Mulungu viyalongile.

Kulawa 11:10

Musa na Haluni watenda mauzauza yano yose haulongozi ha mfalume wa Misili, mbali Mndewa Mulungu kautenda moyo wa mfalume wa Misili kuwa mdala. Hawalekile Waisilaili wasegele muna iisi yake.

Kulawa 14:4

Nizautenda moyo wa mfalume wa Misili kuwa mdala, nayo kezamsondelelani. Niye nizaipatila utunhizo kwa kuwananga mfalume wa Misili na wakalizi wake, Wamisili wezavimanya kuwa niye iyo Mndewa Mulungu.” Maabaho Waisilaili watenda fana viya viwalongeligwe.