Kulawa 6:3 - Biblia Ching'hwele

³ Nimulawilila Bulahimu na Isaka na Yakobo fana viya Mulungu yeli na udahi‚ mbali zina jangu Mndewa Mulungu siditendile dimanyike kumwawo.

Kulawa 6:3 Referans Kwoze

Kulawa 3:14

Mulungu kamulongela Musa‚ “NIYE IYO NIYE.” Na kalonga, “Walongele vino wanhu wa Isilaili‚ ‘Ija iwomtanga IYO NIYE kanhuma kumwenu.’ ”

Mwanduso 48:3

Yakobo kamulongela Yosefu, “Mulungu mwene Udaho kanilawilila uko Luzu kuna isi ya Kanaani na kanitemela mate.

Mwanduso 17:1

Abulamu viyakalile na miyaka malongo kenda na kenda, Mndewa Mulungu kamulawilila na kamulongela, “Niye ni Mulungu mwene Udaho. Nitegeleze siku zose na ukale bila ya kutenda yehile.

Mwanduso 35:11

Mulungu kamulongela, “Niye Mulungu mwene Udaho, uwe na welesi mwingi na mongezeke. Wanhu wa makabila yose wezalawa kumwako, na kwizakuwa wasaho wa wafalume.

Lugubulo 1:4

Niye Yohana noyandikila mabumbila ya wahuwila wa Chilisito saba yeli muna isi ya Asiya. Nowalondeleni unovu na tindiwalo kulawa kumwake Mulungu yeli uko na yakalile uko na yokwiza na kulawa kwa mihe saba weli haulongozi wa chigoda cha chifalume chake,

Yohana 8:58

Yesu kawedika, “Nowalongela kweli, Bulahimu yang'hali hanakwelekwa, niye nabaha.”

Mwanduso 22:14

Bulahimu kahatanga hanhu baho, “Mndewa Mulungu kaning'ha.” Mbaka diyelo wanhu wolonga, “Muna mulima wa Mndewa Mulungu wanhu wokwing'higwa.”

Mwanduso 13:18

Ivo Abulamu kahamiza hema jake, kahita kukala habehi na mibiki mikulu ya Mamule kuja Hebuloni, na uko kamzengela lupango Mndewa Mulungu.

Mwanduso 28:3

Mulungu mwene Udaho yaitemele mate sola yako na yakwing'he wana wengi, ivo kwizakuwa tata wa makabila mengi.

Kulawa 15:3

Mulungu ni galu wa ng'hondo, Mndewa Mulungu niijo zina jake.

Kulawa 23:21

Mtegelezeni na kwamha choyolonga sekemumwehule, hezawalekelelani ubananzi wenu, kwaviya nahamwe nayo.