Kulawa 4:12 - Biblia Ching'hwele

¹² Lelo hita, nizakutaza kulonga na kukufunza mbuli za kulonga.”

Kulawa 4:12 Referans Kwoze

Maliki 13:11

Vondawawagwile mweye na kuwagala kwiichitala, sekemugese chonda mulonge. Lusita vondalufike, longeni chochose chila chonda mwing'higwe, kwaviya siyo mweye mulonga ila Muhe Yelile.

Waefeso 6:19

Iviya munitambikile niye, muladi nidahe kulonga bwilili na kuwamanyiza wanhu sili ya Mbuli Inogile.

Yohana 14:26

Tati yangu kezangalilani Mtazi, iyo Muhe Yelile, Tata yondayamtume kwa zina jangu, kezawafundiza yose na kuwakumbusa yose yoniwalongele.

Luka 11:1

Siku dimwe Yesu kakala hanhu hamwe kotosa. Viyakomeleze, wanahina wake imwe kamulongela, “Mndewa, chifundize kutosa, fana Yohana Mbatizi viyawafundize wanahina wake.”

Kulawa 3:12

Mulungu kamulongela‚ “Nizakuwa hamwe na weye. Na chino chizakuwa chilaguso kuwa niye iyo nikutumile. Vondauwalave wanhu muna iisi ya Misili, kwizamtambikila Mulungu muna mulima uno.”

Kulawa 4:13

Mbali Musa kamwidika‚ “Mndewa, nolamba umtume munhu imwenga.”

Kulawa 4:15

Weye kwizalonga nayo na kumulongela yose yondayalonge, niye nizawatazeni na kuwafunza mbuli zondamutende.

Kulawa 4:16

Haluni kezakuwa mulonzi wako na kezawalongela wanhu kwa ichimu chako. Weye kwizakuwa fana mulungu kumwake.

Peta 16:28

Maabaho Musa kalonga, “Kwa mbuli ino mwizavimanya kuwa Mndewa Mulungu kanituma nitende mbuli zino zose, kuwa sitendelile kwa magesa yangu.

Kumbukumbu 18:18

Nizagala mulotezi yalingile fana weye kulawa muna iwanhu wawo wenyewo, nizamulongela cha kulonga, nayo kezawalongela chila chinhu chonimulagiliza.