Kulawa 19:5 - Biblia Ching'hwele

⁵ Lelo, one mwahanitegeleza na kudika goya lagano jangu, mwizakuwa wanhu wangu mwa makabila yose, mana isi yose yangu.

Kulawa 19:5 Referans Kwoze

Kumbukumbu 14:2

Kwaviya mweye ni wanhu welile kwa Mndewa Mulungu, Mulungu wenu, Mndewa Mulungu kamsagulani muwe wanhu wake kweli hagati ya wanhu wose muna izisi zose.

Kumbukumbu 7:6

Tendeni vino kwaviya mweye ni wanhu welile wa Mndewa Mulungu, Mulungu wenu. Kamsagulani mweye hagati ya wanhu wose muna iisi kuwa wanhu wake waidumwe.

Kumbukumbu 26:18

Mndewa Mulungu diyelo katogola kuwa mweye ni wanhu wake fana viyailahile na kuwa molondeka kuzindilila malagilizo na ndagilizi zake na mumtegeleze yeye.

Kulawa 15:26

kawalongela, “One muhaditegeleza vinogile dizi jangu niye Mndewa Mulungu, Mulungu wenu, na kutenda yaja yanogile haulongozi wangu na kutegeleza ndagilizi na malagilizo yangu, niye sizamgalileni matamu yaja yoniwagalile Wamisili. Kwaviya niye iyo Mndewa Mulungu yonimuhonyani.”

Kumbukumbu 4:20

Mbali mweye niiyo wanhu woyawakombole Mndewa Mulungu kulawa Misili muna ditanuli da chuma. Kamulavani uko muladi muwe wanhu wake fana viya vimwili diyelo.

Kulawa 23:22

Mbali muhamtegeleza chiyolonga na kutenda yose yonimulongelani, nizakuwa mwihi wa wehi wenu na nizawalema wose womulemani mweye.

Tito 2:14

Yesu kailava mwenyewo kwa ichimu chetu kwa kuchikombola kulawa muna uwihi wose na kuwasafya wanhu wake yeye mwenyewo, kuwa na hamu ya kutenda yanogile.

Kumbukumbu 10:14

Lola, ulanga mbaka ulanga wa ulanga ni va Mndewa Mulungu, Mulungu wenu, isi na vinhu vose vili umo ni vake.

Kulawa 9:29

Musa kamulongela, “Lusita vondanilawe muna dibululu, nizakwinula makono yangu kuchanyha na kumpula Mndewa Mulungu. Mibumo izaleka, hebu hakwizakuwa na mvula ya mabwe kaidi, muladi uvimanye kuwa zisi zose ni za Mndewa Mulungu.

1 Wakolimso 10:26

Kwaviya Yamaandiko Yelile yolonga, “Isi na chila chinhu chili umo ni cha Mndewa.”

Kumbukumbu 5:2

Mndewa Mulungu, Mulungu wetu, katenda lagano na cheye kuna umulima wa Holebu.

Waebulaniya 11:8

Kwa uhuwilo Bulahimu kamtegeleza Mulungu viyatangigwe yahite kuna isi ija Mulungu iyamulongele kezamwing'ha. Kasegela kuna isi yake bila ya kuvimanya kunhu kuyohita.

Kumbukumbu 28:1

“One muhamtegeleza Mndewa Mulungu, Mulungu wenu na kuzindilila chigangamavu malagilizo yake yonimulagilizani diyelo, Mndewa Mulungu, Mulungu wenu, kezamtendani muwe na nguvu kufosa zisi zose.

Kulawa 24:7

Maabaho kasola chitabu cha lagano na kawasomela wanhu. Nawo wedika, “Chizatenda chila chinhu chiyalongile Mndewa Mulungu, chizazindilila.”

Kumbukumbu 11:27

Kutemeligwa mate, one muhazindilila malagilizo ya Mndewa Mulungu, Mulungu wenu yonimulagilizani diyelo.

1 Wakolimso 10:28

Mbali one munhu imwenga yahamulongelani, “Ndiya ino itambikiligwa nyang'hiti,” Sekemuje ndiya iyo, kwa ichimu cha munhu yamulongeleni na lungilo.

Kumbukumbu 14:21

“Sekemuje mnyama yoyose yafile mwenyewo, modaha kumwing'ha nyambenyambe yokala muna yamabululu yenu, yaje hebu modaha kumchuuziya munhu wa isi imwenga, kwaviya mweye ni wanhu welile kwa Mndewa Mulungu, Mulungu wenu. Sekemumkimuse mwanaluti muna ditombo da mami yake.

Waebulaniya 8:9

Lagano dino hadizakuwa fana diya donitendile na wasaho zawo zuwa diya viniwasolile kwa mkono wangu na kuwalanguliza kulawa Misili. Kwaviya hawategeleze chiya chiniwalongele, na niye siwagesile.

1 Petili 2:9

Mbali mweye ni welesi usaguligwe, ukulu wa nhambiko wa chifalume, bumbila da wanhu welile, wanhu wa Mulungu, womusaguligwe kugong'onda sang'hano ng'hulu za Mulungu, yoyamtangileni mweye kulawa muna diziza na mwingile muna dibung'hulo jake da kwazanya.

Mwanduso 17:9

Maabaho Mulungu kamulongela Bulahimu, “Weye iviya kolondeka wamhe lagano jangu, weye na welesi wako wose.

Kulawa 6:7

Nizawatendani kuwa wanhu wangu‚ niye nizakuwa Mulungu wenu. Mweye mwizanimanya kuwa niye Mndewa Mulungu, Mulungu wenu yoniwalekelele kulawa kuna uutumwa muna iisi ya Misili.

Kulawa 8:22

“Mbali siku iyo nizaibagula isi ya Gosheni iwokala wanhu wangu, muladi ng'honzi sekewawe uko. Kwa kutenda ivo kwizavimanya kuwa niye Mndewa Mulungu na muna iisi ino.

Kumbukumbu 28:9

“Mndewa Mulungu kezamtendani muwe wanhu wake wa chiidumwe fana viyamulaganileni, one muhazindilila malagilizo yake yeye Mndewa Mulungu, Mulungu wenu na kusondelela nzila zake.

Kulawa 34:9

Kalonga, “Weye Mndewa Mulungu, fana nikunogeza, nokupula uhite hamwe na cheye. Wanhu wano wana mizoyo midala, mbali uchilekelele wihi wetu na uhasanyi wetu, uchihokele fana wanhu wako mwenyewo.”

Walawi 20:24

Mbali nimulongelani, “Mwizahazi isi yawo, nizamwing'hani fana uhazi, isi ili na ulongo unogile.” Niye Mndewa Mulungu, Mulungu wenu, yonimbaguleni na wanhu wa zisi zimwenga.

Kumbukumbu 9:29

Kwaviya wano ni wanhu wako na uhazi wako, wanhu wouwalavile kulawa Misili kwa nguvu na udahi wako mkulu.’

Kumbukumbu 26:19

Kezamtendani muwe isi ng'hulu kufosa zisi zose ziyalumbile na mwizapata nhogolwa na hishima kufosa zisi zimwenga. Mwizakuwa wanhu welile kwa Mndewa Mulungu, Mulungu wenu, fana viyamulaganileni.”