Kulawa 1:7 - Biblia Ching'hwele

⁷ Mbali welesi wa Isilaili wakala wokweleka na kongezeka ng'hani‚ wakala wengi ng'hani na wagendelela kongezeka ludabwa, ivo isi ija ya Misili ikala wenela wawo.

Kulawa 1:7 Referans Kwoze

Mwanduso 46:3

Mulungu kalonga, “Niye niiyo Mulungu, Mulungu wa tati yako.” “Sekeudumbe kuhita Misili, vondauwe uko, nizakutenda uwe makabila mengi.

Kumbukumbu 26:5

Kwizalonga mbuli zino haulongozi ha Mndewa Mulungu, Mulungu wako, ‘Tati yangu kakala Mwalamu yoyawegele, maabaho kahita Misili kakala fana nyambenyambe. Yeye na ndugu zake wakala wadodo viwakalile uko, mbali wawa isi ng'hulu ili na nguvu na wanhu wengi.

Mwanduso 1:28

Kawatemela mate na kalonga, “Yelekeni wana wengi, welesi wenu ukale na kuimemeza isi yose na kuitawala. Muwatawale somba weli mwiibahali, ndege woguluka na chila chiumbe chili na ugima chochigenda mwiisi.”

Mwanduso 47:27

Waisilaili wakala wokala mkowa wa Gosheni muna iisi ya Misili, wapata utajili na wana wengi na wongezeka.

Mwanduso 35:11

Mulungu kamulongela, “Niye Mulungu mwene Udaho, uwe na welesi mwingi na mongezeke. Wanhu wa makabila yose wezalawa kumwako, na kwizakuwa wasaho wa wafalume.

Mwanduso 12:2

Nizakutenda uwe kabila kulu na nizakutemela mate na nizaditenda zina jako dimanyike ng'hani, na kwizawatemela mate wamwenga.

Mwanduso 9:1

Mulungu kamtemela mate Nuhu na wanage na kawalongela, “Yelekeni na mongezeke na muimemeze isi yose.

Kumbukumbu 10:22

Wasaho zenu viwahitile Misili, wakala malongo saba muhala. Mbali sambi Mndewa Mulungu, Mulungu wenu kamtendani muwe wengi fana nhondo za kuulanga.

Mwanduso 48:4

Kanilongela, ‘Nizakongezela wana wengi, na welesi wake wizakuwa kabila kulu, nizaweng'ha welesi wako isi ino kuwa yawo siku zose.’ ”

Mwanduso 17:16

Nizamtemela mate, nayo kezakwelekela mwana wa chilume. Nizamtemela mate Sala, nayo kezakuwa mama wa makabila mengi na wafalume wa zisi nyingi wezalawa kumwake.”

Mwanduso 28:14

Welesi wako wizakuwa mwingi fana msanga wa isi. Wezakwenela chila hanhu, ulawilo wa zuwa na uswelo wa zuwa, kasikazi na kusi. Kufosela weye na welesi wako wanhu wose wezatemeligwa mate.

Mwanduso 22:17

ivo nizakutemela mate na nizawongezela welesi wako fana viya nhondo za kuulanga na fana viya msanga uli mumgwazo ya bahali. Welesi wako wezayasola mabululu ya wehi wawo.

Mwanduso 13:16

Welesi wako wizakuwa fana msanga, habule munhu yondayadahe kuupeta.

Mwanduso 1:20

Maabaho Mulungu kalonga, “Mazi yamemezwe vilumbe vili na ugima na langa dimemezwe ndege woguluka.”

Kulawa 12:37

Waisilaili wasegela kulawa bululu da Lamasesi wahita Sukosi. Wakala walume laki sita, wanaake na wana hawapetigwe bule.

Mwanduso 48:16

Msenga wa kuulanga ija yoyanikombole niye muna yehile yose, yawatemele mate wabwanga wano! Wezatangigwa wanangu kwa ludongo lwa welesi wa Bulahimu na Isaka na wongezeke kwa wingi muna iisi.”

Mwanduso 26:4

Nizakwing'ha welesi mwingi fana viya nhondo zili kuulanga na kuweng'ha zisi zino zose. Kufosela welesi wako wanhu wa makabila yose wezatemeligwa mate.

Mwanduso 15:5

Mndewa Mulungu kamulava kunze na kumulongela “Lola kuulanga na geza kuzipeta nhondo, kwizakuwa na welesi mwingi fana nhondo izo.”

Sang'hano 13:17

Mulungu wa wanhu wano wa Isilaeli kawasagula wasaho zetu, kuwatemela mate wanhu wawo baho hawakalile wageni muna isi ya Misili, na kwa udahi wake mkulu kawalava muna isi iyo

Mwanduso 26:22

Maabaho kasegela hanhu baho na kahimba chisima chimwenga. Baho hahakalile na ndwagi, ivo kachitanga zina “Lehobosi”. Kalonga, “Lelo Mndewa Mulungu kaching'ha ulegeho wa kukala muna isi, na chizakala hano na kongezeka.”

Kulawa 1:12

Mbali kwaviya Wamisili viwawagazile Waisilaili, niivo viwongezeke na kwenela. Wamisili wawadumba Waisilaili,

Kulawa 5:5

Maabaho mfalume wa Misili kawalongela‚ ‘Loleni‚ lelo wanhu wa isi ni wengi kufosa Wamisili. Molonda kuwalekeza sang'hano zawo!’ ”