Yohana 16:4 - Bibiliya ya Chimakonde

⁴ Nìnnyaulidile anelo, uchinga paumbehwika uhiku anewo muhimukile kuva, nangu naninnyaulila.” “Nangu, nikanannyaulidile malove alano patandi ing'anya nangu ngúvele pamo na mwenu.

Yohana 16:4 Referans Kwoze

Yohana 14:29

Nangu nìnnyaulidile malove alano hambi kabla lakànambihumila, uchinga palambehumila mupate kukulupila.

Mako 13:23

Henga mwenu lyongolele. Nangu ǹninnyaulilanga kabla anelo lammalele lakànambihumila.

Yohana 13:19

Nangu nìnnyaulila mwenu vino, kabla anelo lammalele lakànambihumila, uchinga palambehumila, mukulupile kuva, ‘Nangu nni Unene.’

Matayo 9:15

Yesu nkuvayang'ula kuchidoni, “Vanu vakúmbuliwije kuing'ole ya ulombi vàmbeyundala dachi, mwene nnombi avèlè pamo na vanang'o? Ikáhululika! Henga uhiku uchiukamole nnombi pambetwaliwa muvanang'o, anepo njo pavambefunga.

Mako 2:19

Yesu nkuvayang'ula kuchidoni, “Dachi, vanu vakumbuliwîje kuing'ole ya ulombi vànahulula kufunga wakati vàvele pamo na mwene nnombi? Ikáhululika kufunga wakati nnombi àvele pamo na vanang'o.

Matayo 24:25

Lola, nangu ǹninnyaulilanga kabla anelo lammalele lakànambihumila.

2 Petulo 1:14

Kwa kuva, nangu ǹnimala kuva ngùvele pepi kuuleka mmili auno, malinga Nang'olo wetu Yesu Kilisto changulangujije.

Matendo 9:16

Nangu nimwene nguchininnanguje namuna chalembelewa kubanika ing'anya yang'une.”

Matayo 10:7

Pamuhwena vahubilile uvila, ‘Ufalume wa Nnungu ùvele pepi.’

Luka 1:2

Na vàlembile uchila muchi chivatusimulidile vanu avala vaviwêne vitukutuku anevyo kutandikila anepo patandi, na vanu uvovo nkujuka kuva vatumishi va Lilove lya Nnungu.

2 Vasesalonike 2:5

Dachi, mukákumbukila kuva naninnyaulilanga mambo anelo pannavele pamo na mwenu?