Yohana 1:43 - Bibiliya ya Chimakonde

⁴³ Liduva lipapête, Yesu ákudungidile kuhwena ku Galilaya. Bahi nkumwona Filipo, nkunnyaulila kuchidoni, “Ngupapate.”

Yohana 1:43 Referans Kwoze

Yohana 14:8

Filipo nkunnyaulila Yesu kuchidoni, “Nang'olo, tulanguje Atata Nnungu, na hwetu tuchitutolele.”

Matayo 9:9

Yesu nkuuka anepo, na pánavele nkuhwena, nkumwona nkútwala kodi yumo uvanchema Matayo, aikèlè paing'ande ya kulipila kodi. Yesu nkunnyaulila kuchidoni, “Ngupapate.” Matayo nkutakatuka, nkumpapata Yesu.

Yohana 12:21

Bahi vanu anevo nkummwenela Filipo ánavele mwenedi wa ku Betisaida chilambo cha ku Galilaya, nkunnyaulila kuchidoni, “Nang'olo, hwetu tùlembela tumwone Yesu.”

1 Yohana 4:19

Hwetu tùntamwa nang'e, ing'anya nang'e njo anatandilike kututamwa hwetu.

Yohana 6:5

Bahi Yesu palolite na kulyona likuwa likulu lya vanu ulihaloka, nkummuja Filipo kuchidoni, “Tukasume kwachi mikate uchinga ava vanu valye?”

Vafilipi 3:12

Nikátamwa kuhaula kuva ǹnihwikila kupata anelo lammalele au kuva ǹnikamilika tayali. Henga mbechinkuhweneha kutumbama uchinga ngupwechele inujo, na njo mana Yesu Kilisto àningukamula ngùùve wake.

Yohana 1:28

Vitukutuku anevyo vítendeke aneko ku Besaniya, kung'ambo muto wa Yoludani, pachinu pachivabatisa vanu Yohana.

Luka 19:10

Kwa kuva, Mwana wa Munu àidile unavataha na kuvapoha vanu vayahîke.”

Matayo 10:3

na Filipo, na Batolomayo, na Tomaso, na Matayo ánavele nkútwala kodi, na Yakobo mwana wanga Alufayo, na Sadayo,

Yohana 6:7

Filipo nkunnyang'ula Yesu kuchidoni, “Ata kututumila dihela malinga dya nshahala wa malipo la maduva myambili kusuma mikate, ikambeoneleja kananga kumupa kila munu chipande chijoko!”

Yohana 1:35

Liduva lipapête, Yohana ávele pamo na vakuhundwa vake vavili.

Matayo 4:12

Bahi Yesu papilikene kuva Yohana vantadile nnilungu, nkuhwena chijiji cha ku Nasaleti, chilambo cha ku Galilaya.

Matayo 8:22

Henga Yesu nkunnyaulila kwa nfano wachidoni, “Ngupapate, valeke vanu vavêle muchi vànihwa vavasike vahwîle avao.”

Yohana 1:29

Liduva lipapête Yohana nkumwona Yesu wahaloka, Yohana nkuvahaulila vanu kuchidoni, “Nnole ungandolo wamwana wa Nnungu avausîja masambi vanu va pachilambo!

Yohana 1:44

Filipo áhaleke ku Betisaida, imanga yachiikala Anduleya na Petulo.

Yohana 2:11

Achino nni chimaiho chitandi cha lisaibu, chanatendile Yesu kuimanga ya Kana, chilambo cha ku Galilaya. Bahi Yesu nkulanguja ukulu wake na vakuhundwa vake nkunkulupila.

Yohana 1:37

Avala vakuhundwa vavili vanga Yohana pavapilikene malove anelo, nkumpapata Yesu.